Архив событий

Шығыс Қазақстан облысының Глубокое аудандық  сотында «Ашық есік күні» өткізілді.

 Қабылдауға келген азаматтарды сот төрағасының міндетін атқарушы Б.Әміров қабылдады.

«Ашық есік күні»  шарасы халыққа құқықтық көмек көрсету, құқықтық мәдениетті, азаматтардың сот жүйесіне деген сенімінің деңгейін арттыру, сонымен қатар, сот төрелігіне қолжетімді ету мақсатында өткізілді.

Қойылған сұрақтардың басым бөлігі отбасы-жанұялық қатынастарға қатысты болды.

Курчатов қалалық сотында ӘҚБтК-тің 73-бабының 1-бөлігімен (құқық бұзушымен отбасы-тұрмыстық қатынастардағы адамдарға сыйламаушылық көрсетiлiп, былапыт сөйлеу, қорлап тиiсу, кемсiту, үй тұрмысындағы заттарды бүлдiру және олардың тыныштығын бұзатын, жеке тұрғын үйде, пәтерде немесе өзге де тұрғын жайда жасалған басқа да әрекеттер) азамат И.Татариновқа қатысты әкімшілік іс қаралды.

Іс құжаттарынан, И. Татаринов  анасына дөрекі сөйлеп, тыныштығын бұзып, отбасы-тұрмыстық қатынастардағы адамдарға сыйламаушылық көрсеткен.

Риддер қалалық соты Е.Зятькованың Е.Беспаловаға ар-намысын, қадір-қасиетін іскерлік беделін қорғау туралы талап арызы бойынша азаматтық істі қарады.

Риддер қалалық сотымен К.Клаузердің Е.Антроповқа жол-көлік оқиғасының салдарынан келтірілген 614 523 теңге шығынды және сот шығындарын өндіру туралы талап арызы бойынша іс қаралды.

Істі қарау барысында тараптар сотқа дауды медиация тәртібімен реттеу туралы келісімді бекіту туралы өтінішпен жүгінді, оның шарттары бойынша жауапкер талапкердің автокөлігін қалпына келтіруге және 25000 теңге сот шығындарын төлеуге, ал талапкер өз талаптарынан бас тартуға міндеттенді.

Семей қаласының мамандандырылған әкімшілік соты ӘҚБтК 669-бабы (сот үкiмiн, сот шешiмiн немесе өзге де сот актiсiн және атқарушылық құжатты орындамау) бойынша М.Калиакпаровқа қатысты  әкімшілік істі қарады.

Сотта М.Калиакпаровтың кәмелеттік жасқа толмаған баласын асырау үшін  табысының ¼ бөлігін өндіру туралы сот бұйрығын орындамағаны, алимент бойынша 1870 636 теңге берешек екендігі анықталды.

Азаматтар онлайн-қызметі арқылы "Сот кабинеті" сервисінің көмегіне жүгіне алады.  Жоғарғы Сот жанындағы сот қызметтерін қамтамасыз ету бойынша Департаментінің бұл жаңашылдығы электронды сот құжаттарының, оның ішінде  сот актілерінің легитимділігін тексеруге бағытталған.

Басты тиімділік деп азаматтар мен заңды тұлғалардың өкілдері QR-код (қосесептіліктегі штрих-код) арқылы электронды құжаттардың легитимділігін анықтай алуын айтуға болады.

Ұлан ауданының №2 аудандық соты ӘҚБК-нің 73 бабының 1 бөлігімен қарастырылған әкімшілік құқық бұзушылық жасаған (отбасы-тұрмыстық қатынастар аясындағы құқыққа қарсы әрекеттер) Ж.Мухамадиевқа қатысты әкімшілік істі қарады.

Сотта Ж.Мухамадиев үйінде жанжал шығарып, жұбайына былапыт сөздер айтқандығы анықталды.

Сотта істі қарау барысында, жәбірленуші құқық бұзушымен татуласты. Тараптар сотқа бітімгершілік келісімін ұсынды.

ШҚО Шемонаиха аудандық сотында ҚР ҚК-нің 188-бабы 2-бөлігі 1),3)-тармағымен (ұрлық, адамдар тобының алдын ала сөз байласуымен тұрғын, қызметтiк немесе өндiрiстiк үй-жайға, қоймаға не көлік құралына заңсыз кiрумен жасалаған әрекеттер) Л.Иванова, М.Железняковаға қатысты айыпталған қылмыстық ісі қаралды.

Сотта, сотталушылардың  топ құрып алдын ала сөз байласып, өндiрiстiк үй-жайдың қорасынан сиырды жасырын түрде жымқырғандығы анықталды.   

Глубокое аудандық сотымен ӘҚБтК 73-бабының 1-бөлігімен (отбасы-тұрмыстық қатынастар аясындағы құқыққа қарсы әрекеттер) қарастырылған әкімшілік құқық бұзушылықты жасағаны  үшін жауапқа тартылған Д.Долгихқа қатысты әкімшілік іс қаралды.

Д.Долгих жанжал шығарып, жұбайына қатысты қорлайтын былапыт сөздер айтқаны анықталды.

Сотта істі қарау барысында, жәбірленуші құқық бұзушымен татуласып, тараптар сотқа дауды медиация тәртібімен реттеу туралы  келісімді ұсынды.

Катонқарағай ауылдық округі әкімдігіндегі медиация кабинетінде  «Медиация –татуласу рәсімі» тақырыбында дөңгелек үстел өткізілді.

Іс шараға Катонқарағай ауданының №2 аудандық сотының судьясы Г.Күдербаева, Катонқарағай кенттік полиция бөлімі бастығы Т.Бейғанов, учаскелік полиция және аудан бойынша кәсіби емес медиаторлар қатысты.

Семей қаласының көлік прокуратурасында «Прокуратура және алдын ала тергеу органдарының Қылмыстық-процестік кодекс талаптарын сақтауы» тақырыбына дөңгелек үстел өтті.

 Дөңгелек үстелдің жұмысына  Семей қаласы № 2 сотының судьясы А.ТАхметова және көлік прокуратурасының өкілдері қатысты.

Судья өз сөзінде, сотпен санкциялау әрекетін қозғау жөніндегі өтінішхат рәсімдеудің тәртібі мен санкциялау материалдары бойынша берілген мерзімнің сақталуын түсіндірді.