Зайсан аудандық сотының төрағасы Б.Мергембаев Қаратал ауылдық округінде болып онда халықпен кездесу барысында «Қазақстанның үшінші жаңғыруы: жаһандық бәсекеге қабілеттілік» атты Елбасының Жолдауын түсіндіруге арналған іс-шара өткізді.
Халықпен кездесу барысында аудандық соттың төрағасы Б.Мергембаев Елбасының биылғы жылғы жолдауының мазмұнын баяндап, оның ерекшеліктеріне, мақсат-бағдарламаларына тоқталды.
Зайсан аудандық сотының төрағасы Б.Мергембаев Даулардың жекелеген санаттары бойынша дауларды (жанжалдарды) медиация тәртібімен сотқа дейін реттеуді енгізу бойынша Жоғары Соттың пилоттық жобасын таныстару және талқылау мақсатында Қаратал ауылдық әкімшілік округінде болып, округтегі қоғамдық ұйым өкілерімен және кәсіпқой емес медиаторлармен семинарлық сабақ өткізді.
Іс шараға Тарбағатай аудандық сотының судьялары, Тарбағатай ауданының прокуроры Б.Бекенов, аудандық жер бөлімінің бас маманы А.Оспанов, Тарбағатай ауданы бойынша «Жер кадастрлық және жылжымайтын мүлікті техникалық тексеру» бөлімінің бастығы Е.Мусин қатысты.
Тарбағатай ауданының №2 аудандық сотында Сақтандыру компанияларына «Сот актілерін «Сот кабинеті» сервисі арқылы жолдау тәртібі» тақырыбында сот қызметкерлерімен семинар сабағы өткізілді.
Семинар сабағына - кеңсе меңгерушісі Б.Р.Тоқтасынова, бас маман-А.К.Жанұзақова, бас маман сот мәжілісінің хатшылары А.А.Жакаева, Т.К.Закариянова және сот приставы Ғ.Төлеухан қатысты.
Тарбағатай аудандық сотында сот актілерінің орындалуына қатысты жергілікті сот орындаушыларымен дөңгелек стол өткізілді. Аталған шараға Шығыс Қазақстан облысы Әділет департаментінің сот актілерін орындау бойынша Тарбағатай аумақтық бөлімі басшысы аға сот орындаушы С.Жалелбеков, жеке сот орындаушы А.Қалиахметов және аудандық соттың кеңсе мамандары қатысты.
Зайсан аудандық сотында пробация қызметі өкілдерің және аудандық прокурор көмекшісінің қатысуымен рақымшылық туралы заңға байланысты брифинг өткізілді.
Брифингте аталмыш мәселе бойынша атқарылған шаралар сөз болып, рақымшылық жасау туралы сотпен қаралған істердің деректері келтірілді.
Шығыс Қазақстан облысының қылмыстық істер жөніндегі мамандандырылған ауданаралық сотында судьялардың және сот мамандарының қатысуымен «Гендерлік саясат» тақырыбында семинар сабағы өтті.
«Әйелдерге қатысты кемсітудің барлық нысандарын жою туралы Конвенция нормаларын талқылау» тақырыбында судья Н.А.Жақсыбекова баяндама жасады. Еліміз адам құқықтары бойынша 20-дан астам шарттар мен конвенциялардың қатысушысы екенін атап көрсетті. Еліміздегі ерлер мен әйелдер теңдігі, балалар мен нәзік жандарды қорғау жайы сөз болды.
Бесқарағай аудандық соты азамат Д.Сембаевқа қатысты әкімшілік іс қарады.
Сотта істі қарау барысында, азамат Д.Сембаев алкогольдік масаң күйде автокөлік құралын басқарып, жол қозғалысына қауіп төндіргендігі анықталды. Осылайша, ол Қазақстан Республикасының Жол жүрісі қағидаларының 2-бөлімі 4-тармағының 2-тармақшасының талаптарын бұзған.
Семей қалалық сотында еңбекақыны өндіру туралы азаматтық іс қаралды.
Талапкер ЖШС-не талап арызбен жүгіне келе, жобаларды басқару бойынша директордың орынбасары лауазымын атқарып жүргенін, 4 жыл бойы еңбекақысы есептеліп, кәсіпорнында қаражаттың жоқтығынан еңбекақының төленбегенін көрсеткен. Еңбекақы бойынша қарыздың сомасы 12 007 621 теңгені құрайды.
Риддер қалалық сотымен ҚР ҚК-нің 190-бабының, 3-бөлімі, 1,3-тармақтарымен (алаяқтық, яғни адамдар тобымен алдын ала сөз байласып, ірі көлемде бөтен мүлікті ұрлау немесе сенімге қиянат жасау арқылы алу) 7 адамды айыптау туралы қылмыстық іс қаралды.
Көкпекті аудандық сотында Көкпекті аудандық сотының төрағасы Ә.Бақытбекұлы «Жерді мемлекеттің мұқтажы үшін алып қою бойынша сот тәжірбиесіне жүргізілген қорытудың жобасын талқылау» тақырыбына дөнгелек үстел өткізді.
Бесқарағай аудандық сотымен рақымшылық актісін қабылдау туралы бас бостандығын айыруға қатысты емес сотталғандар Д.Татаркин және Р.Махамедиевқа қатысты Бесқарағай ауданы пробация қызметінің ұсынысы қаралды.
Аягөз аудандық сотымен А.-ны ҚК-нің 385-бабының, 1,3-бөліктерімен (Құқықтар беретiн немесе мiндеттерден босататын куәлiктi немесе өзге де ресми құжатты қолдан жасау не мұндай құжатты өткiзу, сол сияқты қолдан жасалған мөртабандарды, мөрлердi, бланкілерді, мемлекеттiк пошта төлемі белгілерін, Қазақстан Республикасының немесе КСРО-ның мемлекеттiк наградаларын дайындау немесе өткізу, көрiнеу жалған құжатты пайдалану) айыптау туралы қылмыстық ісі қаралды.
Өскемен қаласының №2 сотымен ҚК-тің 106-бабы бойынша (денсаулыққа қасақана ауыр зиян келтіру) Н.Борозенецке қатысты қылмыстық ісі қаралды.
Шығыс Қазақстан облыстық соты