Архив событий

Шығыс Қазақстан облыстық сотында Шығыс Қазақстан облыстық сотының жанындағы соттармен өзара іс-қимыл жөніндегі Кеңестің төрағасы  В.Н. Кизаметдиновпен, Өскемен қаласының маслихат депутаты Е.С. Омарбековпен, С.Аманжолов атындағы ШҚМУ-нің қылмыстық құқық және қылмыстық атқару  құқығы кафедрасының аға оқытушылары Л.Е. Құсманова және З. Еркінқызымен арнайы ұйымдастырылған кеңес өткізілді. Олар  кешенді аттестаттаудың үшінші деңгейін өткізу жөніндегі  бірқатар мәселелерге тоқталып өтті.

Көкпекті аудандық сотында кеңсе меңгерушісі Ш.Қалдыбаева «Кеңсе қызметкерлерінің еңбек тәртібін сақтау. Іскерлік әдепті және киім киюдің іскерлік стилін сақтау» тақырыбында кеңсе мамандары арасында семинар сабағын өткізді.

Ш.Қалдыбаева өз баяндамасында мемлекеттік қызметшілерге қойылатын талаптарға тыңдаушылардың назарын аударып, сот мамандарымен еңбек тәртібінің мүлтіксіз орындалуы қажет екендігін айтты.

Достық үйінде Ұлан аудандық сотының судьясы Х.К.Тлеубергенованың  бастамасымен Ұлан ауылының Достық үйінде медиаторлардың қатысуымен «Отбасылық тұрмыстық қақтығыстағы медиация  және «Пилоттық жоба» тақырыбында дөңгелек үстел өткізілді.

Семей қаласының мамандандырылған әкімшілік соты Қазақстан Республикасының  Әкімшілік құқық бұзушылық туралы Кодексінің 200-бабының, 1-бөлігі (Қазақстан Республикасы заңнамасының алкоголь өнімін өткізу жөніндегі талаптарын бұзу) бойынша әкімшілік істі қарады.

Сотта,  дүкеннің сатушысы бола тұра Манкешова А.К.  21 жасқа толмаған тұлғаға  бір шөлмек сыра сатып, ӘҚБтК-нің 200-бабының 1-бөлігінде көрсетілген құқықбұзушылық жасағаны анықталды.