Архив событий

Сіздерді 30 тамыз –Қазақстан Республикасының Конституция күнімен шын жүректен құттықтаймын!

Күршім ауданының № 2 сотының ұйымдастыруымен мәдениет үйінде Қазақстан Республикасы Конституциясының 21 жылдық мерейтойына арналған салтанатты жиналыс өткізілді.

Жиналыс барысында сот төрағасы және мемлекеттік органдар мен ұйымдардың қызметкерлері баяндамалар оқыды.

Өз баяндамасында сот төрағасы мемлекетіміздегі конституциялық құқықтың қалыптасу сатыларына тоқталып, Негізгі Заңымыздың қоғамдағы тұрақтылықты қамтамасыз етудегі және мемлекеттіміздің қарқынды дамуындағы ерекше рөлін атап өтті.

Қазақстан Республикасының Конституция күнін мерекелеу қарсаңында Өскемен қаласының мамандандырылған әкімшілік сотының мәжіліс-залында сот төрағасының төрағалық етуімен «Конституция – азаматтардың бостандығы мен құқықтарының сақталуының кепілі, елдің тұрақты дамуының негізі» тақырыбында семинар өткізілді.

Семинар жұмысына Өскемен қаласының мамандандырылған әкімшілік сотының судьялары, кеңсе меңгерушісі және мамандары қатысты.

Өскемен қалалық сотында Қазақстан Республикасының Конституциясына 21-жылдығына орай мерекелік коцерт өткізілді.

Өскемен қалалық сотының төрағасы  Б.Тайтөлеуов,  Өскемен қалалық сотының ардагерлері Н.Колесникованы, С.Құмарованы және Өскемен қалалық сотының мамандарын құттықтап, оларға зор денсаулық, еңбектеріне табыс тіледі.

Шара барысында сот мамандары Ф.Бабашқа, М.Нәсіпқазыға, Г.Баяхметоваға, С.Досумаваға арнайы алғыс хаттар тапсырды.

Жарма аудандық сотында  судьялар, сот мамандары мен прокуратура органының өкілінің қатысуымен, Қазақстан Республикасының Конституция Күніне арналған мерекелік жиын өтті.

Курчатов қалалық сотының төрағасы Б.Абылкасимов Курчатов қалалық сотының судьялары мен кеңсе мамандарын Конституция күні меркесімен құттықтады.

 Сот төрағасы Конституцияның тарихымен таныстырып өтіп, еліміздің Тәуелсіздік алғаннан кейінгі 1995 жылы 30 тамызында қабылданған қазіргі Ата заңымыз қолданылып келе жатқанын айтты. Еліміздің Ата Заңы адам мен азаматтың тең құқықтары мен мүмкіндіктерінің кепілі екенін атап өтті.

Өскемен қалалық сотының өндірісінде «ForteBank» АҚ-ның жеке кәсіпкер Я-ға 36 487 827 теңге көлеміндегі қарызды өндіру және оны мүліктен өндіріп алу туралы азаматтық ісі қаралды.

Істі қарау барысыңда тараптар дауды медиация тәртібімен шешу туралы келесімге келген. Оның шарттары бойынша, жауапкер белгіленген уақытта банк алдыңдағы 36 487 827 теңге көлеміндегі қарызын өтеуге, өтелмеген жағдайда – банкке кепілдіктегі барлық жылжымайтын мүлкін өткізуге міндеттеледі.

Ұлан аудандық сотымен ӘҚБтК-нің 73-бабы 1-бөлігі (отбасылық-тұрмыстық қатынастар саласында құқыққа қарсы әрекеттерді жасау) бойынша Д. Дәуреновке қатысты әкімішілік іс қаралды.

Іс-материалдарынан анықталғандай, құқықбұзушы алкогольдік масаң күйде, өзінің жұбайына қатысты балағат сөздер айтып, үй ішінде жанжал шығара отырып, өзімен бірге отбасылық-тұрмыстық қарым-қатынаста тұрған тұлғалардың тыныштығын бұзған.

Сот отырысында тараптар медиация тәртібінде татуласулары туралы арызын ұсынды.

ШҚО Риддер қалалық сотының тергеу судьясымен сыбайлас жемқорлыққа қарсы ауданаралық бөлімінің тергеушісінің ҚК 189-бабы 4-бөлімі 2-тармағы (бөтеннің мүлкін аса ірі көлемде иемдену арқылы ұрлау) бойынша О.Снимщиковаға қатысты қамауға алу түрінде бұлтартпау шарасын таңдаудың негізділігін қарау туралы өтінішхаты қаралды.