Архив событий

Катонқарағай  аудандық соты ҚК-тің 340-бабының 1-бөлігімен (орман қорына кіретін ағаштарды және бұталарды заңсыз кесу, жою немесе зақымдау)  жауапкершілік қарастырылған азамат Т.Ганинге  қатысты қылмыстық істі қарады.

Сотта анықталғандай, «ШҚО Катонқарағай ауданының Жаңа Полякова ауылдық әкімшілігінің Аппараты» ММ-не тиесілі жерде өскен, орман шаруашылығы қорына кірмейтін  «Көктерек» тектес алты ағашты  сотталған қол ара мен балтаның көмегімен заңсыз кескен, осы әрекетімен ол мемлекетке жалпы соммасы 10 796 теңге көлемде зиян келтірген.

Глубокое аудандық сотында талапкер Н.Лукиннің жауапкер «Снежный альбион» ЖШС-не жұмысқа қайта орналусу және еріксіз бос жүрген күндері үшін жалақысын өндіру туралы талап-арызы бойынша азаматтық іс қаралды.

Сот отырысында жауапкердің  тарапынан еңбек заңнамасы бұзылғаны анықталды.

Сот шешімімен Н.Лукин аға қарауыл бақылаушы лауазымына жұмысқа  қайта орналастырылып, оның пайдасына еріксіз босатқан күндері үшін жалақысы өндірілді.

Катонқарағай ауданының №2 аудандық сотында Қазақстан Республикасының ҚК-нің 106 бабының 1 бөлігімен азамат Л.Журунтаевқа қатысты қылмыстық іс қаралды.

Іс құжаттарына сәйкес, сотталушы Л.Журунтаев масаң күйінде  өзінің інісі екеуі өзара сөзге келіп қалып, сол жерде төбелес барысында інісін пышақпен екі рет ұрған, осы әрекетімен жәбірленушінің денсаулығына  қасақана ауыр зиян келтірген.

Сотталушының қылмыстық әрекеті, сотта өзінің айыбын мойындап берген жауабымен қатар, іс құжаттарымен толық дәлелденген.

Риддер қалалық сотымен талапкер А.Абакумовтың жауапкер  В. Абакумоваға әкелікті даулау туралы талап-арызы бойынша азаматтық ісі қаралды.

Сот талқылауы барысында тараптар сотқа дауды медиация тәртібімен реттеу туралы келісімді бекіту туралы бірлескен арызбен жүгінді. Оның шарттары бойынша талапкер баланы асырауға келіседі және балаға қатысты әкелікті даулау туралы талаптарынан бас тартады. 

Жауапкер өз кезегінде талапкерден алимент өндіруден бас тартады.

Шығыс Қазақстан облысының қылмыстық істер жөніндегі мамандандырылған ауданаралық сотында ҚК-тің 297-бабы 3-бөлігі 2, 3-тармақтарымен (бірнеше рет, аса ірі мөлшердегі есірткі затын өткізу мақсатында заңсыз сақтау және өткізу) қарастырылған қылмысты жасағаны үшін  айыпталған А. Феофановқа қатысты қылмыстық іс қаралды.

Глубокое аудандық сотымен ӘҚБтК-нің 73-бабының 1-бөлігімен (отбасы-тұрмыстық қатынастар аясындағы құқыққа қарсы әрекеттер) қарастырылған әкімшілік құқық бұзушылық жасағаны   үшін жауапқа тартылған В.Миллерға қатысты әкімшілік іс қаралды.

Іс-материалдарына сәйкес, В.Миллер масаң күйінде үйде жанжал шығарып, өзінің қызына былапыт сөздер айтып, қорқытқан. Сотта істі қарау барысында, жәбірленуші құқық бұзушымен татуласып, сотқа бітімгершілік келісімін ұсынды.

Шығыс Қазақстан облысының мамандандырылған ауданаралық экономикалық сотында «Конкурс әдісі арқылы мемлекеттік сатып алуды өткізу тәртібі» тақырыбында семинар өткізілді.

Аталған тақырып бойынша судья А.Сейлгазинова сөз сөйледі. Барлық қатысушылардың назарына мемлекеттік сатып алуға біліктілік талаптарына және конкурстық құжаттамалардың талаптарына сәйкес келетін конкурсқа қатысуға өтінімді қарау қорытындысы бойынша анықталған әлеуетті өнім берушілер қатысатыны айтылды.