«Ашық есік күні»
Өскемен қаласының мамандандырылған әкімшілік сотында қала тұрғындарына арналған «Ашық есік күні» өткізілді.
Аталмыш шараның мақсаты тұрғындарға құқықтық көмек көрсету, сот төрелігіне қолжетімділікті қамтамасыз ету және «Медиация туралы» заңды насихаттау болып табылады.
Кәсіби медиатор Т.Каримов қала тұрғындарына медиация институтының қолдану аясы, медиация рәсімдерінің мақсаты мен қағидалары туралы әңгімелеп берді. Сонымен қатар, кәсіби медиатормен медиациялық рәсімдердің басты артықшылықтары айтылды.