Архив событий

Күршім ауданының № 2 аудандық сотында Қазақстан Республикасының «Әкімшілік құқық бұзушылық туралы» кодексінің 608-бабының, 3-бөлігі бойынша,   яғни көлік құралдарын бүлдіруге әкеп соққан көлік құралын алкогольдік масаң күйде басқару түріндегі құқық бұзушылықты жасағаны үшін азамат  С.Смағұловқа қатысты әкімшілік  іс  қаралды.

Сотта С.Смағұлов көлік құралын алкогольдік масаң күйінде басқару барысында көліктің басқару жүйесіне ие бола алмай, автокөлігі аударылып, бүлдірілгендігі анықталды.

Семей қалалық соты Г.Шаймарданованың  «Тасымал көлігі»  ЖШС-інен  398 642 теңге көлеміндегі еңбекақысын өндіру бойынша азаматтық істі қарады.  Сот шешімімен арыз талаптары қанағаттандырылды.

Семей қалалық соты мемлекеттік сот орындаушысының борышкерге бұрын берілген жүргізушілік куәлігі, яғни көлік құралын жүргізу құжатының күшін тоқтату бойынша ұсынысы қаралды.

Іс материалдарынан сот орындаушысының өндірісінде И.Эпштейннен баланы асырауға барлық табыс көзінің 4/1 бөлігін құрайтын алиментті өндіру бойынша атқару ісі жатқаны белгілі болды. Берешек көлемі 159 955 теңгені құраған.

Борышкер бүгінгі таңда жұмыс істейді, кірісі бар,  дөңгелек жөндеумен айналысады, алайда қарызды өтеуден жалтарып отыр.

ШҚО № 2 кәмелетке толмағандардың істері жөніндегі мамандандырылған ауданаралық сотында «Е-Кадры» автоматтандырылған жүйесінде жеке мәліметтерді дұрыс толтыру» тақырыбында семинар өтті.

Семинарда кеңсе меңгерушісінің м.а. А.Ахметова баяндама оқып, жеке карточкалардың барлық деректемелерінің дұрыс толтырылуын көрсетіп, салынатын әрбір құжаттың көшірмесі PDF форматында болуын және жеке бас мәліметтері өзгерген жағдайда, олардың уақытылы енгізілу қажеттілігін атап өтті.

Глубокое аудандық соты «Теплоэнергия» КМК жұмысшыларына еңбекақы төлемі бойынша қарызды өндіру туралы 35 азаматтық істерді медиация келісіме сәйкес өндіріспен қысқартты.

Алдын – ала мәжілісте тараптар дауды медиация тәртібінде реттеу туралы келісімді сотқа ұсынып, істі өндірістен қысқартуды сұрады.

Глубокое аудандық сотында ҚР ҚК 106-бабы, 3-бөлігі (денсаулыққа қасақана ауыр зиян келтіру салдарынан жәбірленушінің өліміне әкеп соғуы) бойынша С.Қонақовқа қатысты қылмыстық іс қаралды.

Сотта  ауыр қылмыстар жасағаны үшін бұрын сотты болған С.Қонақовтың жәбірленушіге қатысты күш қолданып, соққыға жыққандығы анықталды. Алған ауыр дене жарақаттарының салдарынан жәбірленуші оқиға орнында қаза болған.

Глубокое аудандық соты ҚР ҚК 293-бабы, 1-бөлігі (бұзақылық, яғни қоғамдық тәртіпті қоғамды құрметтемеу анық көрінетін, азаматтарға күш қолданумен не оны қолдану қатерін төндірумен, сол сияқты бөтеннiң мүлкiн жоюмен немесе бүлдiрумен не барынша арсыздықпен ерекшеленетiн әдепсiз әрекеттер жасаумен ұштасқан аса қатыгездікпен бұзу) бойынша Н. Трофимовқа қатысты қылмыстық істі қарады.

Глубокое аудандықсотының төрағасы Б.Касенов «Медиация кабинетінде» - «Медиация туралы Заңның қолдану аясы" тақырыбында дөңгелек үстел өткізді. Дөңгелек сұтел жұмысына ауыл әкімі Р.Сейтқанов және Глубокое кентінің кәсіби емес медиаторлары мен әкімшілік мамандары қатысты.

Глубокое аудандық сотында бұқаралық ақпарат құралдарының қатысуымен «Ашық есік күні» өтті.

Аталған шараның мақсаты аудан тұрғындарына құқықтық көмек көрсету, халықтың құқықтық мәдениетін арттыру және олардың сот жүйесіне деген сенімін арттыру болып табылады.

Шығыс Қазақстан облысы Бесқарағай аудандық сотында «Бесқарағай орталық аудандық ауруханасы» МКМ-нің азамат К-ны маскүнемдіктен мәжбүрлі түрде емдеуге жолдау туралы арызы бойынша азаматтық іс қаралды.

Сотта сараптама қорытындысы бойынша азамат К-ның ішімдікті қабылдау салдарынан пайда болған психикалық және мінез-құлық күйзелісімен ауыратындығы және мәжбүрлі түрде емдеу қабылдауы тиіс екендігі анықталды.

Шығыс Қазақстан облысының Глубокое аудандық соты ҚР ӘҚБтК 608- бабы 1-бөлігі бойынша әкімшілік құқық бұзған, яғни жүргізушінің көлік құралын алкогольдік, есірткілік және (немесе) уытқұмарлық масаң күйде басқарғаны үшін Д. Джингуловқа қатысты әкімшілік іс қаралды.

Сотта Д.Джингулов көлікті алкогольды масаң күйінде басқару кезінде полиция қызметкерлерімен ұсталғаны анықталды.

Қазақстан Республикасының тәуелсіздігінің 25 жылдығын мерекелеу қарсаңына және оқу жылының аяқталуына жазғы демалыстың басталуына байланысты Глубокое аудандық сотында Глубокое кентінің Ы. Алтынсарин атындағы орта мектебінің 8-9 сынып оқушыларына арналған «Ашық есік күні» өткізілді.

Бұл шараға прокурордың көмекшіс А. Безродных, қоғамдық ұстаз О. Беляева, білім беру бөлімінің заңгері О.Алексеенко, Глубокое АІІБ кәмелетке толмағандармен жұмыстары бойынша инспекторы Л. Уфимцева қатысты.

Жеке кәсіпкер «Ф.» жұмысшы Ж-ның келтірген материалдық шығынды өтеу туралы талап арызбен сотқа жүгінді.

Талапкер талап арызында жауапкер Ж-ның жүргізуші-экспедитор болып жұмыс істеген кезінде материалдық жауапты тұлға бола тұра, оған сеніп тапсырылған тауардың ақшасы 648 323 теңге қаражатты ұрлатып алғанын көрсеткен. Талапкер соттан жауапкер Ж-дан  материалдық шығынды өндіруді сұраған.