Архив событий

Өскемен қалалық сотында материалдық және моральдық зиянды өндіру туралы азаматтық іс қаралды.

Талапкер өзінің талабын істегі зерттеу актісі және көршілермен ПИК-тің төрағасының түсініктеріне сүйеніп, жауапкердің кесірінен бірнеше рет пәтерін су басқанын айтып көрсетті.

Істі қарау барысында тараптар дауды медиациялық тәртіпте бітімгершілікпен шешу мақсатында  өзара келісімге келді. Ол бойынша жауапкер келтірген материалдық және моральдық зиянды өтеу мақсатында 150 000 теңге өтеуге келісті.

Соттың ашықтығын қамтамасыз ету және мектеп бітірушілердің келешекте заңгер  мамандықтарын таңдауға қызығушылықтарын ояту мақсатында  Зайсан аудандық сотында Зайсан қаласы Ломоносов атындағы орта мектебінің мектеп бітіруші оқушыларымен «Ашық есік» күн іс-шарасы ұйымдастырылды.

«Ашық есік» күн аясында аудандық соттың кеңсе меңгерушісі К.С.Игілікова мектеп бітіруші оқушыларды аудандық соттың жұмыс тәртібімен таныстырып, сот ғимаратына экскурсия ұйымдастырды, сот процесінің қалай жүретіндігін көрсетті.

Зайсан аудандық сотының төрағасы Б.Мергембаев Зайсан аудандық сотында судьялармен «Сыбайлас жемқорлықпен күрес - әрбір судьяның міндеті» тақырыбында семинарлық оқу өткізді.

Курчатов қалалық сотында И.А. Девляшовқа қатысты бас бостандығын шектеу жазасын бас бостандығынан айыру түрiндегi жазаға ауыстыру туралы Курчатов қаласының пробация қызметінің ұсынысы қаралды.

Сотта И.А.Девляшов бас бостандығынан шектеу жаза түрін өтеу кезеніңде тіркеуге келмей, қоғамдық тәртіпке және имандылыққа қол сұғатын әкімшілік құқық бұзушылықтар жасағаны үшін  оған әкiмшiлiк жаза қолданылып, жазаны ауыстыру туралы ескерту түрінде бес  жазалау алғаны анықталды. Осылайша сотталған сот үкімімен белгіленген міндеттемелерді бұзған.

Көкпекті аудандық сотында ҚР ӘҚБтК-нің 669-бабының 1-бөлігімен (сот үкiмiн, сот шешiмiн немесе өзге де сот актiсiн және атқарушылық құжатты орындамау)  қарастырылған Б.Қоңырбавқа  қатысты әкімшілік іс қаралды.

Сот қаулысымен  Б.Қоңырбаев ӘҚБтК-нің 383-бабының, 3-бөлігімен қарастырылған құқық бұзушылық жасағаны үшін кінәлі деп танылып, оған 20 АЕК – 42420 теңге мөлшерінде әкімшілік айыппұл салынған болатын. Алайда Б.Қоңырбаев бүгінгі күнге дейін аталған сот қаулысын орындамағаны жөнінде жеке сот орындаушы А.Ибрагимовтың ұсынысымен анықталған.

Бородулиха аудандық сотында «Даулардың жекелеген санаттары бойынша дауларды (жанжалды) медиация тәртібімен сотқа дейінгі реттеуді енгізу бойынша пилоттық жобаны» іске асыруына, ауданда татуластыру рәсімдердің дамуына мүлтіксіз үлес қосқаны үшін Шығыс Қазақстан облыстық сотының төрағасы Д.С.Әміровтің атынан  кәсіби және кәсіби емес медиаторлар В.Н.Шкоданы, Д.О.Тоқтаровты алғыс хатпен және «Достық үйі» директоры  А.А.Шпилькинаны грамотамен мараппаттау бойынша салтанатты іс-шара өтті.

Жарма аудандық сотымен Н.К.Садвакасованың Ж.Б.Азизовадан қарызды өндіру туралы талап арызы бойынша  медиация тәртібімен сотқа дейінгі реттеуді енгізу туралы пилоттық жобаны іске асыру бойынша  азаматтық ісі қаралды.

Қазақстан Республикасының Азаматтық процестік кодексінің 165-бабының 16-тармақшасына сәйкес, тараптарға азаматтық істі медиация тәртібімен сотқа дейінгі реттеуді енгізу бойынша пилоттық жобаны іске асыру мақсатында дауды (жанжалды) медиация тәртібімен реттеу туралы келісіммен аяқтауға құқылы жөнінде хабарлама жолданған.