Архив событий

Шығыс Қазақстан облысының қылмыстық істер жөніндегі мамандандырылған ауданаралық сотында судьялар мен сот қызметкерлері арасында Жоғарғы Сот төрағасы Қ.Ә.Мәмидің «Сот жүйесі –  жолдауды іске асырудың маңызды буыны» атты сұхбаты талқыланды.

Сот төрағасы Б.Ә.Кәсенов Қазақстанда Елбасы Жолдауын жүзеге асыру бойынша белсенді жұмыстар басталғаны туралы айтты. Сонымен қатар, заң алдында жеке меншіктік құқық пен теңдік үстемдігін қорғауға бағытталған мемлекеттік реформалар қабылданғанын атап өтті.

Катонқарағай ауданының №2 аудандық сотында «Еңбек тәртібін сақтау» тақырыбында семинар өткізілді.

  Іс шараға  Катонқарағай ауданының №2 аудандық сотының судьялары мен мамандары қатысты.

Курчатов қалалық сотында Қазақстан Республикасы Жоғарғы Сотының  дауларды медиация тәртібімен сотқа дейінгі реттеуді енгізу бойынша пилоттық жобаны іске асыру туралы ережені түсіндіру бойынша Курчатов қаласының кәсіби емес медиаторларымен кездесу өткізілді. Жобада  жекелеген санаттарға қатысты дауларды медиация тәртібінде реттеуде татуластыру рәсімдерін қолдануды кеңейту, азаматтардың сот шығындарын азайту, дауларды сотқа дейінгі реттеуде халықтың қызығушылық деңгейін анықтау міндеттері қойылған.

Риддер қалалық сотымен жеке айыптаушы Н.Н.Бабинның М.Б.Барханскаяны Қазақстан Республикасының 108 бабымен (денсаулыққа қасақана жеңіл жарақат келтіру) белгіленген қылмыстық теріс қылықпен айыптау туралы шағымы бойынша қылмыстық іс қаралды.

Сот талқылауы барысында жеке айыптаушы Н.Н.Бабиннен және сотталушы М.Б.Барханскаядан сотқа ҚК-тің 108-бабы бойынша жеке айыптау қылмыстық ісін тараптардың медиация тәртібімен татуласқандарына байланысты қысқарту туралы бірлескен өтініш түсті.

Семей қалалық сотында тәжірибелік көмек көрсету аясында семинар өткізілді. Шараны ұйымдастырушылар Шығыс Қазақстан облыстық сотының судьялары Л.Е.Каирбаева, Н.Р.Байбуринова болды.

Семинар барысында азаматтық істердің жекелеген санаттары, сот актілерінің күшін жою мен өзгерту  бойынша құқық қолдану тәжірибесіндегі өзекті мәселелер, сонымен қатар азаматтық процестік заңнамасының жаңашылдықтары қозғалды.

Ұлан ауданының № 2  аудандық сотында сот жүйесінде медиация институтын дамытуға қосқан үлесі үшін кәсіби емес медиатор Шаймухамеду Құдагельдинұлына Шығыс Қазақстан облыстық сотының төрағасы Д.С.Әміровтың алғыс хаты табысталды. 

Іс-шараға төраға А.Аринова, кәсіби емес медиатор Ш.К.Утепов және сот мамандары қатысты.   

Семей қалалық сотында Шығыс Қазақстан облысы бойынша мемлекеттік қызмет істері және сыбайлас жемқорлыққа қарсы іс-қимыл Департаментінің бас маманы Ж.М.Құрманғалиевамен кездесу өтті.

Жиналыс барысында сот қызметкерлеріне кешенді атестаттауды өткізудің негізгі қадамдары түсіндірілді.