Архив событий

Өскемен қалалық сотымен К-ның ЖШС-і А-ға  қатысты зиянды өндіру туралы талап арызы бойынша азаматтық іс дауды (жанжалды) медиация тәртібімен шешу туралы келісім бекітілді. Іс бойынша күзетілетін ақылы тұрақта тұрған автокөліктің өртеніп кеткендігі анықталды. Жауапкер өзіне сақтауға өткізілген автокөліктің қауіпсіз сақталуын қамтамасыз етпеген. Келтірген зиян мөлшері 5 099 000 тенгені құраған.

Сот ұйғарымымен медиативтік келісім бекітілді, іс бойынша өндіріс тоқтатылды.

Сот ұйғарымы заңды күшіне енді.

Глубокое аудандық  сотынының судьясы  А.Рахимжанова   «Электрондық үлгіде сот актілерін, атқару құжаттарын, қаулыларды, сот бұйрықтарын орындауға жолдау» тақырыбында семинар өткізді.

Семинарға Глубокое аудандық сотының судьялары А.Болатова, И.Рахметова және сот мамандары қатысты.

Глубокое аудандық сотымен ӘҚБтК 608 бабының 1 бөлігімен (жүргізушінің көлік құралын алкогольдік, есірткілік және (немесе) уытқұмарлық масаң күйде басқару)  И.Ушаковқа қатысты әкімшілік іс қаралды.

Сотта И.Ушаковтың есірткіні қолдану нәтижесінде масаң күйінде автокөлік құралын жүргізгені анықталды.

Сот қаулысымен И.Ушаков ҚР ӘҚБтК-нің 608 бабының 1 бөлігінде көрсетілген құқық бұзушылықты жасағаны үшін кінәлі деп танылып,  оған 3 (үш) жыл мерзімге көлік құралын басқару құқығынан айыру жазасы тағайындалды.

Ұлан аудандық сотында жеке қаулылар мен мен ұйғарымдарды есепке алу және орындау сұрақтары бойынша семинар сабағы өткізілді.

Аталған семинар сабағына кеңсе меңгерушісі Н.Кисыкова, сот отырысының хатшылары С.Ашимжанова, А.Гайсина, жетекші мамандар Ш.Б.Жомартова, Н.О.Сатпаева қатысты.

Өскемен қалалық сотымен  зиянды өндіру туралы талап арызы бойынша қаралған азаматтық іс дауды (жанжалды) медиация тәртібімен реттеу келісімін бекітумен  аяқталды.

Іс материалдарынан ұшқын жел салдарынан профильді қаңылтыр темірлердің гараж төбесінен сыдырылып, гараждын жанында тұрған автокөлікке құлағаны байқалады.  Сонымен қоса ол профильді қаңылтырлардың төбеге дұрыс бекітілмегендігі де белгілі болды.  Сот отырысында тараптар  дауды медиация тәртібімен шешуге келісті.

Жарма аудандық сотына Солнечный кентінде орналасқан ОВ-156/21 мекемесінің сотталған М-ға қатысты «Қазақстан Республикасы Тәуелсіздігінің жиырма бес жылдығына байланысты Рақымшылық туралы» Қазақстан Республикасының Заңын қолдану туралы ұсынысы келіп түсті.

Шығыс Қазақстан облысының № 1 кәмелетке толмағандардың істері жөніндегі мамандырылған ауданаралық сотының судьясы Боранбаева Г.Ж     «Кәмелетке толмағандардың істері бойынша Халықаралық келісімшарт нормаларын қолдану» тақырыбында  брифинг өткізді. Брифингке «Рудный Алтай» газетінің тілшісіЭ.Кунгурцев қатысты.

Судья өз сөзінде кәмелетке толмағандардың істері бойынша сот актілерінің халықаралық келісімдер, пактілер негізінде жасалатынын атап көрсетті.

Зайсан аудандық сотының төрағасы Б.Н.Мергембаев жергілікті баспасөз өкілдеріне Даулардың жекелеген санаттары бойынша дауларды (жанжалдарды) медиация тәртібімен сотқа дейін реттеуді енгізу бойынша Жоғары Соттың пилоттық жобасын таныстыру мақсатында брифинг өткізді.

 Іс-шараға аудандық соттың судьялары  Г.С.Нуртазинова, Ш.О.Оспанова, Н.З.Хасенбаев, сот отырысының хатшылары, кәсіпқой емес медиаторлар, адвокаттар қатысты.

ШҚО Көкпекті ауданының №2 аудандық сотымен ӘҚБтК-нің 389 бабы 2 бөлігімен бір жылдың ішінде балықты заңсыз қайталап тасығаны үшін С.Карташовқа қатысты әкімшілік іс қаралды.

Зырян қаласының тұрғыны Карташов , Көк-Жыра ауылында «Серік» ШҚ 1102кг мұздалған балықты құжатсыз сатып алып, Өскемен қаласына тасымалдаған. Жол бойында полиция қызметкерлерімен  ұсталған.

Оның іс-әрекеті сотпен заңсыз деп танылып, балық мемлекет пайдасына тәркілеп, Карташовқа 20 АЕК мөлшерінде айыппұл салынды.

Көкпекті ауданының №2 аудандық сотымен Т.В.Столярованың Көкпекті ауданының әкіміне мұраны қабылдау мерзімін қалпына келтіру және мұрагерді мұраны қабылдады деп тану туралы талап арызы бойынша азаматтық іс қаралды.

Іс матермалдарында көрсетілгендей арызданушының анасы қайтыс болғаннан кейін мұра ретінде екі тұрғын үй қалған. Талапкер мұраны қабылдайтын алты ай уақытты өткізіп алған, себебі  6 ай уақыт өткеннен кейін ғана мұрагерлікке кіретінін қате пайымдаған. Бірақта заң бойынша мұраны рәсімдеуге натариусқа 6 айдың ішінде жүгіну керек.

Шығыс Қазақстан облысының қылмыстық істер жөніндегі мамандандырылған ауданаралық сотында судьялар мен сот қызметкерлері арасында Елбасының Жолдауы талқыланды.

Риддер қалалық сотында қызметін доғарған Ж.К. Баикенованың 80 жасқа толған мерейтойына байланысты салтанатты жиналыс өткізілді.

Салтанатты жиналысқа Риддер қаласының мамандандырылған әкімшілік сотының ұжымы, Риддер қаласының қалалық сот  ұжымы, Риддер қаласы Әкім аппаратының және қала прокуратурасының өкілдері қатысты.

Құттықтау сөздері айтылып, қызмет жылдарына деген ризашылық білдіріліп Ж.К. Баикеноваға сыйлықтар тапсырылды.

Семей қалалық сотымен сотқа құрметтемеушілік білдіргені үшін әкімшілік құқық бұзушылық туралы іс қаралды.

Маскүнемдіктен мәжбүрлеп емделуге жіберілетін азамат іс бойынша  сот отырысына алкоголь иісімен келіп, оған қоса, сот процесіне қатысатынына қарамастан, өткен түні ішімдік пайдаланғанын айтты.

Құқық бұзушы осы іс-әрекеттерімен сотқа және басқа да сот процесіне қатысушыларға құрметтемеушілік көрсетіп, сот жүйесінің беделін түсіретін жағымсыз пікір тудырды. 

Жарма аудандық сотында Қазақстан Республикасының Әкімшілік құқық бұзушылық туралы Кодексінің 73-бабының,  1-бөлігімен (құқық бұзушымен отбасы-тұрмыстық қатынастардағы адамдарға сыйламаушылық көрсетіліп, былапыт сөйлеу, қорлап тиісу, кемсіту, үй тұрмысындағы заттарды бүлдіру және олардың тыныштығын бұзатын, жеке тұрғын үйде, пәтерде немесе өзге де тұрғын жайда жасалған басқа да әрекеттер) бойынша азамат Т. -ға қатысты әкімшілік іс қаралды.

Глубокое аудандық сотымен «2016 жылдағы медиацияны қолдану нәтижелері» тақырыбына дөңгелек үстел өткізілді.

Іс-шараға Глубокое ауданының кәсіби емес медиаторлары К.Ч.Конопьянова, Т.И.Глушкова, Г.Г.Валиев және Глубокое ауданының «Достық үйі» КМҚК-ның директоры Ф.И.Сатаева қатысты.

Дөңгелек үстелге қатысушылар кәсіби емес медиаторлардың өткен 2016 жылы атқарған жұмысын талқылады.

Семей қалалық сотымен несие бойынша келісім шартын тоқтатылған деп тану туралы азаматтық ісі қаралды.