Архив событий

Глубокое аудандық сотында Шығыс Қазақстан облыстық сотының азаматтық істер жөніндегі сот алқасының төрағасы М.Ғ.Комиршиновтың төрағалық етуімен 2016 жылдың жұмыс қорытындысын талқылауға арналған жиналыс өтті.

Іс-шараға Шығыс Қазақстан облыстық сотының судьялары Е.Ш.Жұмақсанов, А.И.Лукьянов, аудандық сот төрағасы С.Ж.Жансейіт, судьялар Б.Г.Әміров, Ә.Б.Болатова, А.С.Рахимжанова, Ә.А.Қасенова, И.Д.Рахметова, кеңсе меңгерушісі Ж.А.Еренбақов және сот мамандары қатысты.

Бесқарағай аудандық сотымен ӘҚБтК-нің 608-бабының 1-бөлімімен Б.Дюсембаевқа қатысты әкімшілік іс қаралды.

Азамат Б.Дюсембаев автокөлікті алкогольдік масаң күйінде жүргізіп,  Қазақстан Республикасының жол қозғалысының ережесінің  2.4.2. тармағын бұзған.

Сот қаулысымен Б.Дюсембаев кінәлі деп танылып, оған 3 (үш) жыл мерзімге көлік құралын жүргізу құқығынан айыру түріндегі жаза тағайындалды.

Сот қаулысы заңды күшіне енген жоқ. 

Зырян аудандық соты ҚР ӘҚБтК-нің 480-бабы, 2-бөлігімен (Бас бостандығынан айыру орындарынан босатылған адамның әкiмшiлiк қадағалау қағидаларын немесе өзiне қатысты сот белгілеген шектеулерді орындамауы, осы баптың бiрiншi бөлiгiнде көзделген, әкiмшiлiк жаза қолданылғаннан кейiн бiр жыл iшiнде қайталап жасалған әрекеттер) әкімшілік іс қаралды.

Катонқарағай аудандық сотымен онша ауыр емес қылмыстар, ауырлығы орташа қылмыстар жасаған және бас бостандығын айыру жазасына қатысты емес жазасын өтеп жатқан 5 сотталушыларға қатысты рақымшылық актісін қолдану туралы Катонқарағай аудандық №1 пробация қызметінің ұсынысы қаралды.

Катонқарағай ауданының №2 аудандық сотымен Катонқарағай АІІБ поселкелік полиция бөлімінде «Әкімшілік істерді рәсімдеу талаптары» тақырыбында семинар өткізілді.

Семинарға Катонқарағай ауданының №2 аудандық сотының төрағасы А.М.Әли, Катонқарағай АІІБ послекелік полиция бөлімшесінің қызметкерлері қатысты.

Семей қаласының мамандандырылған әкімшілік сотында  Қазақстан Республикасының әкімшілік құқық бұзушылық туралы Кодексінің 73-бабы, 1-бөлігі (отбасы-тұрмыстық қатынастар аясындағы құқыққа қарсы әрекеттер) бойынша азамат Б. қатысты әкімшілік іс қаралды.

Сот  отырысында азамат  Б. апайына сыйламаушылық көрсетіп, балағат сөздермен тіл тигізіп,  тыныштығын бұзғаны анықталды.

Істі қарау барысында  тараптар медиация тәртібінде келісімге келіп,  екі жақтың татуласуына байланысты  соттан әкімшілік істі қысқартуды сұраған.

Курчатов қалалық сотында ӘҚБтК-нің 653-бабының 1-бөлігі (сотты құрметтемеушілік) бойынша әкімшілік жауапкершілікке тартылған  И.А. Девляшовқа қатысты әкімшілік іс қаралды.

Сот отырысында анықталғандай, әкімшілік іс бойынша құқық бұзушы И.А. Девляшов Курчатов қалалық сотына алкогольдық масаң күйде келген.

Сот қаулысына сәйкес И.А. Девляшов ӘҚБтК-нің 653-бабының 1-бөлігі бойынша кінәлі деп танылып, оған 3 (үш) тәулік әкімшілік қамаққа алу жазасы тағайындалды.

Қаулы  заңды күшіне енген жоқ.

Катонқарағай ауданының № 2 аудандық сотымен Катонқарағай аудандық № 1 пробация қызметінің сотталғанды жазаны өтеуден босату туралы ұсынысы  қаралды. 

Сот мәжілісінде  Катонқарағай аудандық №1 пробация қызметінің аға инспекторы сотталған А.Терлекпаевқа қатысты «Қазақстан Республикасы Тәуелсіздігінің 25 жылдығына байланысты Рақымшылық жасау туралы» Заңын қолданып, негізгі жазасынан босату туралы ұсынысын қолдады. Сотталған А.Терлекпаев соттан көрсетілген Заңды қолдануды  сұрады.

ШҚО мамандандырылған ауданаралық экономикалық соты «СЕМАВТОПАРК» ЖШС-нің өкілі Н.В.Чнеговаға қатысты сотты құрметтемеушілік белгілері бойынша қаулы шығарды.

Семей қаласының Ювеналды сотының төрағасы Р.Ақпар  «Авиценна» медицианалық колледжінің оқытушылары құрамына құқықтық насихаттау бойынша дөңгелек үстел өткізді.

Аталған шара жасөспірімдер арасындағы құқық бұзушылықтың алдын алу, әкімшілік және қылмыстық жауапкершілікке заңнамамен көрсетілген тартылу тәртібін, еңбек және сыбайлас жемқорлыққа қарсы заңнамалардың ережелерін түсіндіру мақсатында жүргізілді.