Архив событий

Бүгін Шығыс Қазақстан облыстық сотының судьялары Б.Шарнаева, Ғ.Алипанова Шығыс Қазақстан облыстық сотының төрағасы Д.Әміровтың және судьялар қауымдастығы атынан Леся Ивановна Менщикованы 85-жас мерейтойымен  арнайы барып құттықтады.

Леса Ивановна Менщикова өзінің өмірлік жолдасы, Ұлы Отан соғысының және сот жүйесінің ардагері В.Менщиковпен бірге ұзақ ғұмыр кешіп, Ұлы Жеңіс қарсаңында өзінің 85-жас мерейтойын атап өтуде.

Жарма ауданының №2 аудандық сотында  азамат Б-ға қатысты ҚР ӘҚБК-нің 73-бабы, 1-бөлігі,  яғни  отбасы-тұрмыстық қатынастар аясындағы құқыққа қарсы әрекеттер туралы әкімшілік іс қаралды.

Іс құжаттарынан, азамат Б  өзінің үйінде,  алкогольдік масаң күйінде, өзара сөзге келіспеушілік салдарынан өзінің жолдасына қатысты балағат сөздер айтып қорлаған. Осылайша, өзінің іс әрекеттерімен ҚР ӘҚБК-нің 73-бабы, 1-бөлігімен көзделген әкімшілік құқық бұзушылық жасаған.

Соттың  іс-шаралар жоспары аясында Күршім ауданының №2 аудандық сотының төрағасы С.Жансейітұлы Күршім ауданының Қалжыр, Боран ауылдық округтерінде халықпен кездесулер өткізді.

Кездесулер барысында сот төрағасы жиналған халыққа Қазақстан Республикасы Жоғарғы Сотының бастамашылығымен сот жүйесінде жүргізіліп жатқан өзгерістер мен реформалар жайлы және аудандық соттың 2016 жылдың 1 тоқсанында атқарған жұмыстары жайлы ақпарат берді.

Семей қалалық соты «Семей қаласының Ішкі істер бөлімі» ММ-нің арызы бойынша Қазақстан Республикасының  аумағынан шетелдікті шеттету бойынша азаматтық істі қарады.  

Семей қаласының Ювеналды сотының төрағасымен сот судьялары мен мамандары арасында «Сыбайлас жемқорлықпен күрес» атты тақырыпта семинар өткізілді.

Семинар барысында «Сыбайлас жемқорлыққа қарсы іс-қимыл» Заңының негізгі принциптері мен міндеттері талқыланып, әр қызметкерге жеткізілді.

Глубокое аудандық соты Глубокое ауданының Достық үйінде  «Медиация келісім мен тұрақтылық құралы»  тақырыбында дөңгелек үстел өтті.

Дөңгелек үстел жұмысына сот төрағасы Б.Касенов, аудан әкімі К. Байгонусов, ауылдық окургтардың әкімдері, прокурордың аға көмекшісі Ф. Шаяхметова, кәсіби медиатор Т.Танекенова, жергілікті полиция қызметінің бастығы М.Хаджи-Мұрат, ауданның кәсіби емес медиаторлары, мемлекеттік мекемелердің өкілдері, қоғам және ақсақалдар кеңесінің төрағалары қатысты.

Семей қаласының мамандандырылған әкімшілік соты Қазақстан Республикасының  Әкімшілік құқық бұзушылық туралы Кодексінің 481-бабының 1-бөлігі (қылмыстық-атқару жүйесiнің мекемелерiнде,   арнаулы мекемелерде ұсталатын адамдарға  тыйым    салынған заттар, бұйымдар мен нәрселер беру ) бойынша әкімшілік іс қаралды.

Сотта,  азаматша Г.Чинтемирова  Семей қаласындағы ОВ-156/14 мекемесінде сотталушыға  тыйым салынған зат, яғни 300 АҚШ доллары көлемінде ақша беруге әрекеттенгендігі анықталды.   

Іс жүргізу шығындарын өндіру  ҚІЖК 178-бабының негізінде жүзеге асырылады. Процессуалдық шығындарды өндіруді тергеу судьясы белгілі бір қылмыстық істен сотқа дейін толық шешім қабылданғанан кейін прокурордың ұсынысының негізінде қарайды.  Процессуалдық шығындар күдіктіден, айыптыдан, сотталғаннан өндіріледі, немесе мемлекет есебіне қабылданады.

Шығыс Қазақстан облысының Бородулиха аудандық соты ҚР ӘҚБтК-нің 73-бабының 1-тармағында (отбасы-тұрмыстық қатынастар аясындағы құқыққа қарсы әрекеттер) қарастырылған құқық бұзушылықты жасағаны үшін құқық бұзушы И-ге қатысты әкімшілік істі қарады.

Сотта құқық бұзушы И-дың алкогольдік масаң күйде өз жұбайымен ұрыс шығарып, оған қатысты балағат сөздер айтқандығы анықталды.

Сот талқылауы барысында жәбірленушінің құқық бұзушымен татуласқанына байланысты істі қысқарту туралы жазбаша қолдаухат тапсырды.

Шығыс Қазақстан облысының Бородулиха аудандық соты жалпы кәсіптік орта білім жүйесінде іштей оқу нысаны бойынша оқығанына байланысты 25 АЕК көлеміндегі нақты ақша сомасындағы алиментті өндіру туралы азаматтық істі қарады.

Істі сотта талқылауға дайындау барысында тараптар соттан өздерінің медиативтік келісімін бекітуді сұрады. Сот ұйғарымымен азаматтық іс бойынша өндіріс тоқтатылды.

Ұйғарым заңды күшіне енген жоқ.

Бородулиха аудандық сотының

Шығыс Қазақстан облысының қылмыстық істер жөніндегі мамандандырылған ауданаралық сотында ҚК 102-бабы, 106-бабы 1-бөлігімен қарастырылған (қажеттi қорғаныс шегiнен шығу кезiнде жасалған адам өлтіру; денсаулыққа қасақана ауыр зиян келтiру) қылмысты жасағаны үшін  айыпталған Т.Дусюповқа қатысты қылмыстық іс қаралды.