Архив событий

Зайсан аудандық сотының төрағасы Б.Мергембаев аудандық «Достық» газетінің тілшісі А.Ахыт пен  құқық қорғау органдарының өкілдерінің қатысуымен 2016 жылдың 1 тоқсанының жұмыс қорытындысына арналған баспасөз мәслихатын өткізді.

Баспасөз мәслихатында 2016 жылдың 1 тоқсанында Зайсан аудандық сотымен қаралған қылмыстық, азаматтық, әкімшілік құқық бұзушылықтар туралы істердің және материалдардың статистикалық деректерін баяндай келе қоғамның теріс пікірін  тудырған өзекті тақырыпқа қатысты қаралған істерге тоқталды.

Зайсан аудандық сотының төрағасы Б.Мергембаев Дайыр ауылдық округіне қарасты Жамбыл ауылында болып, ауылдық әкімшілік ғимаратында   халықпен кездесу  өткізді.

Іс-шара барысында сот төрағасы ауыл тұрғындарын Заң үстемдігін қамтамасыз етуге бағытталған «100 нақты қадам» Ұлт жоспарын жүзеге асыруда сотпен атқарылып жатқан жұмыстарға кеңінен тоқталды.

ШҚО мамандандырылған ауданаралық экономикалық сотының кеңсе меңгерушісінің м.а. А.Жилкашинова «Сот жүйесіндегі ақпараттық технологиялар» тақырыбында семинарлық сабақ өткізді.

Семинарға  барлық кеңсе мамандары қатысты.

Кеңсе меңгерішісінің м.а. сабақ тақырыбы аясында сот ісін жүргізуіне хабарлама, «Төрелік» ақпараттық жүйесі, электрондық пошта, сот кабинеті, сот отырыстарын аудио-видео, сот жүйесіндегі жүзеге асырылған интернет-ресурстар және т.б. инновациялық технологияларды енгізу ерекшелігі туралы айтты.

Жарма  ауданының №2 аудандық сотында неке бұзу туралы азаматтық іс қаралды.  

Сот  отырысында, тараптардың заңды некеде және сол некеден ортақ кәмелетке толмаған бір балалары бар екендігі анықталды. Мінездерінің келіспеуіне байланысты, жанұяда үнемі ұрыс жан-жал болғандықтан   талапкер некені бұзу жөнінде талап арызбен  сотқа жүгінген.

Сот жүргізу барысында ерлі-зайыптылар медиация тәртібінде келісімге келіп, бір-бірімен татуласып, жанұяны сақтап қалуына  ниет білдірді.

Жарма ауданының  №2 аудандық сотында Қазақстан Республикасының  Әкімшілік Құқық Бұзушылық Кодексінің  653-бабының, 1-бөлігімен (процеске қатысушылардың және өзге де адамдардың қатысуынсыз соттың iстi одан әрi қарауы мүмкiн болмайтын жағдайларда, олардың шақыру қағазы, хабарлау, хабардар ету немесе шақыру бойынша сотқа дәлелді себептерсіз келмеуінен, сот отырысында төрағалық етушiнiң өкiмдерiне бағынбаудан, сотта белгіленген қағидаларды бұзудан көрiнген сотты құрметтемеушiлiк, сондай-ақ сотты және (немесе) судьяны құрметтемеушiлiк туралы анық көрінетін өзге де әрекеттер (ә

Шығыс Қазақстан облысының кәмелетке толмағандардың істері жөніндегі №1 мамандандырылған ауданаралық сотында Қазақстан Республикасының «Медиация туралы» Заңын насихаттау бойынша жұмыстар белсенді атқарылуда. Соттың судьялары мен мамандарының баспа басылымдарында және веб –сайттарда мақалалары жарияланып, дөңгелек үстелдер, семинарлар және  колледждерде дәрістер өткізуде.

Сонымен қатар, медиатордың қатысуымен тараптардың татуласуына байланысты үш  қылмыстық іс қысқартылды.

Шығыс Қазақстан облысының Өскемен қалалық сотында  қарызды өндіру жөніндегі азаматтық іс бойынша дауды партисипативтік рәсім тәртібінде реттеу туралы  келісім бекітілді.

Жауапкер келісім шарт бойынша берешекті төлеуден бас тартқан, соның салдарынан талапкер сотқа жауапкерден 960 000 теңге көлемінде берешекті өндіру туралы талап арызбен жүгінген.

Үржар аудандық сотының судьясы М.Молдабаев Үржар ауданының білім бөлімінің қызметкерлерімен  ұйымдастырылған кәмелеттік  жасқа толмағандарға арналған алдын алу шараларына қатысты.

Аталған шара І.Жансүгіров атындағы орта мектепте өткізілді.

Шараға Үржар ауданының Әкімі аппаратының мемлекеттік заң – құқықтық бөлімінің, Үржар АІІБ-нің кәмелетке жасы толмағандар бойынша бөлімінің, Үржар ауданының білім бөлімінің  қызметкерлері қатысты.

Глубокое аудандық сотында  Қазақстан Республикасының Қылмыстық Кодексінің 296-бабы,  2-бөлігімен (есiрткi заттарын өткізу мақсатынсыз заңсыз сақтау) көзделген қылмыстық әрекетті жасаған Е.Анохинге қатысты қылмыстық іс қаралды.

Сотта, 2015 жылдың қыркүйегінде Е.Анохин ауыл маңында жабайы өскен сораның  сабақтарын өзі қолдану үшін сақтағандығы анықталды.

2016 жылдың 17 наурызында  Е.Анохин полиция қызметкерлерімен ұсталып, тінту барысында оның сыртқы киімінің  оң қалтасынан қағазға оралған  марихуана табылған.

Ұлан аудандық сотында Шығыс Қазақстан облыстық соты, Шығыс Қазақстан облыстық Достық үйі және мүдделі мемлекеттік органдар арасындағы өзара ынтымақтастық  меморандумға қол қойылғаны туралы талқыланған  дөңгелек үстел өткізілді.