Архив событий

Қазақтан Республикасының мемлекеттік тілі - қазақ тілі. Мемлекеттік тіл – мемлекеттің барлық аумақтарында қоғамдық қатынастарда қолданылатын барлық салалардағы мемлекеттік басқару, заңнамалар, сот ісін жүргізу және іс жүргізу тілі болып табылады. Барлық мемлекеттік органдар Қазақстан Республикасының мемлекеттік тілін жан-жақты дамытуға ат салысуы және оның халықаралық беделін  нығайтуға міндетті.

Глубокое аудандық сотында Глубокое ауданының мемлекеттік органдарының өкілдерінің қатысуымен «Сот құжаттарын мемлекеттік тілде жүргізу» тақырыбында семинар өтті.

Судья А.Болатова  мемлекеттік тілді дамыту, қызметкерлердің  білімдерін арттыру және дамыту мақсатында қазақ тілінде іс-шараларды жиі ұйымдастыру қажеттілігін атап өтті.

Өскемен қаласының №2 сотында ҚАЕУ-ті колледжінің «заңтану» факультетінің  3 курс студенттері болып қайтты.

Соттың кеңсе меңгерушісінің м.а. Ш.Домбаева «Сот кабинеті» электрондық сервисінің тиімділігі туралы, «Сот кабинеті» сервисі арқылы құжаттар тапсыру тәртібін түсіндірді.

Шығыс Қазақстан облысы Курчатов қалалық сотында Қазақстан Республикасы ӘҚБтК-нің 440-бабының 4-бөлігімен (алкогольдік ішімдіктерді iшу немесе қоғамдық орындарға масаң күйде келу) айыптау туралы азамат А. Набоковты әкімшілік іс қаралды.

Ұлан ауданының №2 аудандық соты медициналық куәландырудан өту туралы заңды талабын орындамау фактісі бойынша әкімшілік іс қаралған.

Сотта, құқық бұзушы Е.Чугаев полиция қызметкерлерімен тоқтатылып, орталық ауруханада ішкі істер органдары қызметкерінің белгіленген тәртіпке сәйкес алкогольдік масаң күйін куәландырудан өту туралы заңды талабын орындамаған, осылайша ҚР ӘҚБтК-нің 613 бабы 4 бөлігімен көзделген құқық бұзушылықты  жасаған.

Зайсан аудандық сотында талапкер Г.Жақсылықованың жауапкерден  қарыз ақша өндіру туралы азаматтық ісі қаралды.

Сот отырысында тараптар дауды өзара медиация тәртібінде реттеу туралы келісім жасау туралы арыз түсіріп, оны сотпен бекітуді сұраған.

Медиациялық келісімнің шарттарына сай, жауапкер 30 000 теңге негізгі қарызын  белгіленген мерзімде қайтаруға міндеттелді.

Сот ұйғарымымен азаматтық іс медиация тәртібінде тараптардың татуласуына байланысты қысқартылды.

ШҚО экономикалық сотында өзекті тақырыптар бойынша 4 брифинг өткізілді.

ШҚО МАЭС кеңсе меңгерушісі С.Тұратпаевпен, А.Жилкашиновамен бұқаралық ақпарат құралдары: «7 күн» газеті, «Хабар» телеарнасы, «Мой город» газеті, «Ре-Марк» газетінің өкілдерімен кездесулер өткізілді.

Шығыс Қазақстан облысы Үржар аудандық сотында ӘҚБК-нің 73 бабы,  1 бөлігі әкімшілік құқық бұзушылық жасаған азамат Н.Қаржаубаевты  жауапкершілікке тарту туралы әкімшілік ісін қарау кезінде Үржар АІІБ-не қатысты жеке қаулы шығарылды.

Тарбағатай аудандық сотында Қазақстан Республикасының ҚК-нің 107 бабымен (денсаулыққа қасақана ауырлығы орташа зиян келтiру) жеке айыптау тәртібінде айыпталушы  азаматша Т.-ға  қатысты қылмыстық іс қаралды.

Сотта, азаматша Т. өзінің ұлымен сөзге келіспей қалғандықтан оны  жұдырығымен сол жақ көзінен ұрып жіберіп, жәбірленушіге дене жарақатын түсіргендігі анықталды. Сот-медициналық сараптаманың қорытындысына сәйкес жәбірленушінің  денсаулығына ауырлығы орташа зиян келтiрілген.

Курчатов қалалық сотында Қазақстан Республикасы ӘҚБтК-нің 73-бабының 1-бөлігімен (құқық бұзушымен отбасы-тұрмыстық қатынастардағы адамдарға сыйламаушылық көрсетiлiп, былапыт сөйлеу, қорлап тиiсу, кемсiту, үй тұрмысындағы заттарды бүлдiру және олардың тыныштығын бұзатын, жеке тұрғын үйде, пәтерде немесе өзге де тұрғын жайда жасалған басқа да әрекеттер) азамат  И. Ивлевқа қатысты айыптау туралы әкімшілік іс қаралды.

Шығыс Қазақстан облысы Аягөз аудандық сотында Әкімшілік құқық бұзушылық туралы Қазақстан Республикасының кодексінің 608-бабының 3-бөлігімен (жүргізушінің көлік құралын алкогольдік мас күйінде басқара отырып, мүлікті бүлдіруге әкеп соқтырған іс-әрекеттер) азамат А.Алиповқа қатысты әкімшілік іс қаралды.

Сотта, жүргізуші А. Алипов, 2016 жылғы 2 маусымда сағат мөлшері 23:55 кезінде автокөлігін алкогольдік масаң күйде басқара отырып, қауіпсіздік жылдамдықты сақтамай тас жолдын бойындағы үйдің қоршауын қағып кеткендігі анықталды.  

Көкпекті ауданының № 2 аудандық сотына Самар ауылының тұрғыны Е.Дьяченко  өзінің жұбайы С.Шикаловты жеке айыптау тәртібінде  шағыммен жүгінген. Шикалов масаң күйінде әйелін соққыға жығып, ҚР ҚК-нің 108 бабында көзделген  қылмыстық теріс қылық жасаған.

Сот талқылауы барысында, тараптарға істі медиация тәртібінде реттеу жөнінде түсіндірілген.

Сот қаулысымен Е.Дьяченкоға қатысты қылмыстық іс медиация тәртібінде  қысқартылған.

Қаулы заңды күшіне енген жоқ.

ШҚО Катонқарағай аудандық сотында  2016 жылғы 2 маусымдағы № 13762 санды  Қазақстан Республикасының Ішкі Істер Министірлігінің бұйрығымен бірлесе бекітілген, 2016 жылғы 3 мамырдағы № 6001-16-7-6/183 санды Қазақстан Республикасының Жоғарғы Сотының ғимараттары мен аумағында сотқа келушілерге ішкі обьекті және өткізу режимдерінің сақталуын қамтамасыз ету» тақырыбында семинар сабағы өткізілді.

Семинар жұмысына сот мамандары мен ҚР ІІМ-нің Катонқарағай аудандық МКҚБ өкілі Р.Самарханов қатысты.

Глубокое аудандық сотында бұқаралық ақпарат құралдарының қатысуымен «Медиация туралы заңды қолдану» тақырыбында брифинг өтті.

Глубокое аудандық  сотының судьясы Б.Амировпен «Медиация туралы» Заңын қылмыстық, азаматтық және әкімшілік істер өндірісінде қолдану мәселесі жөнінде айтылды.  Б.Амиров татуластыру рәсімдерін   қолданумен қаралған істер бойынша ақпараттарды ұсынды, яғни, 2016 жылы медиация тәртібінде 144 азаматтық істер, 34 әкімшілік құқық бұзушылық туралы істер, 24 қылмыстық істер қысқартылған.

Өскемен қаласының №2 сотына мерзімінен бұрын шартты түрде босату туралы талап-тілек білдірген Н.Дукумбаевқа қатысты  материал келіп түсті.

Аягоз аудандық сотында Қазақстан Республикасының ҚК-нің 188-бабының 2-бөлігі, 3-тармағымен (ұрлық, яғни бөтеннің мүлкін тұрғын, қызметтiк немесе өндiрiстiк үй-жайға, қоймаға не көлік құралына заңсыз кiрумен жасырын жымқыру) Б.Қайраласовқа қатысты қозғалған қылмыстық іс қаралды.

Қылмыстық іс материалдарына  сәйкес, Б.Қайраласов 2016 жылдың мамыр айының 10 күні, сағат 10:00 шамасында, жәбірленушіге тиесілі 6 метрлік 5 дана темір трубаларды жасырын түрде жымқырып кетіп, жәбірленуші 30 000 теңгеге материалды залал келтірген.    

Өскемен қаласының №2 сотымен ҚК-нің 378 бабы, 1 бөлігі, 379 бабы, 1 бөлігі, 380 бабымен қарастырылған қылмыстық құқық бұзушылықты жасаған Р.Сайносинге қатысты қылымыстық іс қаралды.