Архив событий

Қазақстан Республикасының Қылмыстық Кодексінің 24 бабы, 3 бөлігі,  191 бабы, 2бөлігі, 1,3,4 тармақтарымен қарастырылған, тонауға оқталу, яғни жәбірленушінің денсаулығы мен өміріне қауіпті емес күш қолданып, адамдар тобының алдын ала сөз байласуы  арқылы бөтеннің мүлкін ашық жымқыру, заңсыз ғимаратқа кіру квалификациялық белгілері болып есептелетін қылмыс жасады деп айыпталған кәмелетке толмағандар Т. және И.-ге қатысты қылмыстық іс тараптардың медиация тәртібімен татуласуына байланысты ҚР ҚК-нің 68 бабы, 2 бөлігі негізінде қысқартылды.

Жарма аудандық соты ҚР ҚК 188-бабы, 1-бөлігі (ұрлық, яғни бөтеннің мүлкін жасырын жымқыру) бойынша Б.Фазыловқа  қатысты қылмыстық істі қарады.

Б.Фазылов сағат мөлшері 14.00-де Жаңғызтөбе кентінде орналасқан бекеттің жанында жәбірленушіге тиесілі «Hongmiro» маркалы спорттық велосипедті жасырын түрде ұрлағандығы анықталды.

Сот мәжілісінде Б.Фазыловпен жәбірленушінің медиация тәртібімен бітімгершілік келісімге келді.

Семей қаласының № 2 соты  ҚР ҚК-нің 200-бабының 1-бөлігімен, 346-бабының 1-бөлігімен (автомобильді жымқыру мақсатынсыз құқыққа сыйымсыз иеленіп алу (айдап кету) және көлік құралдарын басқару құқығынан айырылған, масаң күйінде көлік құралын басқарған) бойынша азамат А.Морозовқа қатысты қылмыстық істі қарады.

Катонқарағай аудандық сотында «Ашық есік күні» өткізді. Соттардың ашықтығы мен қолжетімділігін қамтамасыз ету мақсатында Катонқарағай аудандық сотымен  ай сайын азаматтарға аталмыш іс-шара ұйымдастырылып өткізіледі. Бұл шараға адвокаттар, нотариустар мен мемлекеттік мекемелердің қызметкерлері шақырылды.

Бас маман Т.А.Сивицкая келушілерге сот өндірісінде медиация рәсімін қолдану туралы, дыбыс бейне жазба жүйесін қолдануымен қылмыстық, азаматтық, әкімшілік құқық бұзушылық туралы істердің жазылуы жайлы түсіндірді.

Зайсан аудандық сотында азаматша Ж-ға қатысты ӘҚБтК-нің 73-бабының 1-бөлігімен қозғалған әкімшілік құқық бұзушылық туралы іс қаралды.

Сотта,  азаматша Ж. ішімдік ішкен масаң күйінде өз үйінде заңды некедегі еріне (жұбайына) себепсіз ар-намысына тиетін сөздермен балағаттап, жанұясының тыныштығын бұзып, оған сыйламаушылық білдіріп, отбасының мазасын алғандығы анықталды.

 Істі сотта қарау барысында тараптар медиатордың көмегімен өзара тауласып, медиативтік келісімге келген.

Тарбағатай аудандық соты ҚР ӘҚБтК-нің  73 бабы 1 бөлігі (құқық бұзушымен отбасы-тұрмыстық қатынастардағы адамдарға сыйламаушылық көрсетiлiп, былапыт сөйлеу, қорлап тиiсу, кемсiту, үй тұрмысындағы заттарды бүлдiру және олардың тыныштығын бұзатын, жеке тұрғын үйде, пәтерде немесе өзге де тұрғынжайда жасалған басқа да әрекеттер, егер бұл әрекеттерде қылмыстық жазаланатын іс-әрекет белгiлерi болмаса) бойынша азамат Д.Құмарбековқа қатысты әкімшілік құқық бұзушылық туралы істі қарау кезінде жеке қаулы шығарды.

Шығыс Қазақстан облысының Глубокое аудандық сотында Әкімшілік құқық бұзушылық туралы Кодексінің 608-бабы, 3-бөлігі және 611-бабы, 2-бөлігі бойынша (жәбірленушінің денсаулығына зиян келтіруге әкеп соққан көлік құралын алкогольдік масаң күйде басқаруы, жол-көлiк оқиғасы болған жерден кетiп қалуы) Т.Дюсебаевқа қатысты әкімшілік іс қаралды.

Курчатов қалалық сотында Қазақстан Республикасы ӘҚБтК-нің 73-бабының 1-бөлігімен (құқық бұзушымен отбасы-тұрмыстық қатынастардағы адамдарға сыйламаушылық көрсетiлiп, былапыт сөйлеу, қорлап тиiсу, кемсiту, үй тұрмысындағы заттарды бүлдiру және олардың тыныштығын бұзатын, жеке тұрғын үйде, пәтерде немесе өзге де тұрғын жайда жасалған басқа да әрекеттер) азаматша М. Сургутанованы айыптау туралы әкімшілік іс қаралды.