Ср, 06/09/2017 - 15:15
Шығыс Қазақстан облысының №1 кәмелетке толмағандардың істері жөніндегі мамандандырылған ауданаралық сотында «Ұйымның бақылауымен заң аясында балаларға қызмет көрсету» тақырыбында дөңгелек үстел өтті.
Іс-шара Шығыс Қазақстан облысының №1 кәмелетке толмағандардың істері жөніндегі мамандандырылған ауданаралық сотының төрағасы А.Н.Жумагулова, БҰҰ-ның қарамағындағы халықаралық балалар қорының өкілдері Гвендалин Росс, Ирина Мацкевич және БАҚ өкілдерінің қатысуымен өтті.
БҰҰ-ның қарамағындағы халықаралық балалар қорының өкілдері Гвендалин Росс және Ирина Мацкевич балаларды қорғау және оларды жетілдірумен адамзаттың дамуына маңызды үлес қосып жатқанымызға көңіл бөліп кетті.
Шығыс Қазақстан облысының №1 кәмелетке толмағандардың істері жөніндегі мамандандырылған ауданаралық сотының төрағасы А.Н.Жумагулова баланың амандығы Қазақстан Республика үкіметінің ұстанатын саясаты екендігін айтып кетті.
Іс-шара барысында қатысушылар балаларға қызмет көрсететін пилоттық жобаның алға жылжуы жайында пікір бөлісті. Қоршаған ортаны балаға қолайлы, қауіпсіз, халықаралық стандартқа сай ету жолында қызмет атқаруымыз керек екендігі айтылып кетті.
Іс-шараның аяқталуында қатысушылар жоспарланған жоба ойдағыдай жүріп жатыр деген қорытындыға келді.
ШҚО №1 кәмелетке толмағандардың істері жөніндегі
мамандандырылған ауданаралық сотының
баспасөз қызметі