Жаңалықтар

Шығыс Қазақстан облыстық сотында халыққа құқықтық көмек көрсету мақсатында тұрақты түрде азаматтарды қабылдау жүргізіледі.

Азаматтарды қабылдау –бұл азаматтардың сеніміне апаратын жол және сот жұмысының ашықтығы мен жариялылығының дәлелі.

Шығыс Қазақстан облыстық сотының азаматтық істер жөніндегі сот алқасының төрағасы Д.Салатов қарызды өндіру туралы сот актісін орындау мәселесі бойынша жүгінген Германия азаматын қабылдады. Өтініш иесіне тиісті түсініктемелер берілді. Азаматты қабылдау онлайн режимде жүзеге асырылды.

Риддер қалалық сотының ғимаратында Риддер қаласының пробация қызметі мен  прокурорлары бірлесіп, сотқа дейінгі пробацияны жүзеге асыру шеңберінде қылмыстық сот ісін жүргізудегі қызмет бөлігінде мәселені шешу бойынша кездесу өткізді.

Іс-шара барысында ҚР ІІМ ҚАЖК-нің жаза түрін ауыстыру туралы ұсыныстарына қатысты мәселелер, «шартты түрде соттау және бас бостандығын шектеу түріндегі жазаны өтеу шарттары мен тәртібін кішігірім бұзу» ұғымын енгізу, сондай-ақ өзге де ұсыныстар талқыланды.

Катонқарағай аудандық сотымен «Сотта мемлекеттік тілді дамыту» тақырыбында семинар өткізілді. Семинарға соттың судьялары мен мамандары қатысты.

Аудандық сот төрағасы Е.Е.Токшекенов өз баяндамасында, қазақ тілінде қаралған істердің статистикасын келтіріп, сотта мемлекеттік тілде істердің түсуі мен қаралуы әлі де төмен  болып отырғанын еске салды.

Зайсан аудандық сотында «Тергеу судьясымен қаралатын материалдар бойынша әдістемелік ұсыныстарды талдау» тақырыбында семинарлық оқу өткізілді.

Іс-шараға Зайсан ауданының прокурорының орынбасары Д.Б.Альсеитов, Зайсан аудандық полиция бөлімінің бастығының тергеу жөніндегі орынбасары М.Р.Кеңесбек, Тарбағатай АІІБ тергеу бастығының орынбасары Е.Қ.Ақтанов,  аға анықтаушы Т.Мухаметжанов, аға криминалист А.Гумарқызы, сондай-ақ тергеушілер Б.А.Дүйсенов, Н.Б.Болатханов, З.Ж.Айтқалиев  қатысты.