Бс, 12/10/2017 - 09:21
Риддер қалалық сотында «Ғасырлардағы сот жүйесінің дамуы-Қазақстандағы әділдік кілтінің кепілі» тақырыбында дөңгелек үстел өтті.
Дөңгелек үстелге Риддер қалалық сотының төрағасы Т.К.Адаспаев, сот мамандары, мемлекеттік қызмет өкілдері сондай-ақ, БАҚ өкілдері қатысты.
Риддер қалалық сотының төрағасы Т.К. Адаспаев іс-шараның қатысушыларына алғы сөз айтып, Елбасының «Болашаққа бағдар: рухани жаңғыру» атты мақаласында жаһандану жағдайында ұлттық мемлекеттің қалыптасу ерекшеліктерін жан-жақты талдап, ХХІ ғасырда ұлттық сана сақтау мен дамытудың нақты жолдарын ұсынғанын атап өтті. «Мемлекеттік-құқықтық жүйенің жаңғыруы, ең алдымен, қазақ халқына дамудың тарихи түп-тамырларына жүгінуді, адамгершілік, заңға мойынұсынушылық, әділдік және қазақ халқының тіршілік әрекетінің құқықтық саласына ежелден тән болған басқа да әлеуметтік құндылықтарының жоғалған мұраттарын іздеу мен қалпына келтіруді талап етеді.
Билер соты – қазақ сот ісін жүргізудің ұмытылмас тарихи құбылысы болып табылады, сот төрелігін жүзеге асыруға адал қатынас пен кәсібиліктің лайықты үлгісін бейнелейді», - деді.
Іс-шара соңында қатысушылар өзара пікір алмасты.
Риддер қалалық сотының
баспасөз қызметі