Өзбекстан азаматы Қазақстан Республикасының халықтың көші-қон саласындағы заңнамасын бұзғаны үшін әкімшілік қамаққа алынды

Тарбағатай аудандық сотында аудандық ішкі істер бөлімінен келіп түскен Қазақстан Республикасының әкімшілік құқық бұзушылық туралы кодексінің (бұдан әрі ӘҚБтК-нің) 517-бабының, 4-бөлігімен жинақталған әкімшілік құқық бұзушылық туралы іс қаралды.

Сот отырысында  Тарбағатай АІІБ-нің көші-қон қызметі тобының қызметкерімен, шетел азаматтарының жүріп-тұру заңдылықтарын тексеру кезіңде, Өзбекстан Республикасының азаматы И. шетелдіктің Қазақстан Республикасы аумағында болу мерзімі 09.06.2017 жылы өтіп кетуге жол бергені, және оның ҚР-да болу мерзімін ұзартуға немесе Қазақстан Республикасының аумағынан шығуға шара қолданбағаны анықталды.

Сот, әкімшілік құқық бұзушының жауабын, прокурордың құқық бұзушының іс-әрекетінде ӘҚБтК-нің 517-бабының, 4-бөлігінде көрсетілген құқық бұзушылықтың құрамы бар деп, оған әкімшілік жаза ретінде қамауға алуды сұраған қортынды сөзін тыңдап, іс құжаттарымен танысып, ӘҚБтК-нің 55 бабына сәйкес жауаптылықты жеңiлдететiн және ауырлататын мән-жайларды, әкімшілік құқық бұзушының жеке басын, оның ешқайда жұмыс істемейтінін, тұрғылықты жері жоқ екенін ескере келе, оған әкімшілік жаза ретінде қамауға алуға негіз бар деп тауып, ӘҚБтК-нің 818-823 баптарын басшылыққа алып, сот құқық бұзушыны ӘҚБтК 517-бабының 4-бөлігімен айыпты деп танып, оны осы баппен 3 (үш) тәулікке мерзімге әкімшілік қамауға алуға қаулы етті.

Сот актісі заңды күшіне енгег жоқ.

Тарбағатай аудандық сотының

 баспасөз қызметі