жм, 21/04/2017 - 08:40
Өскемен қаласының мамандандырылған әкімшілік сотында ӘҚБтК-нің 596-бабы, 3-бөлігінде (жол жүрiсi қағидаларында тыйым салынған жағдайларда, жолдың жүру бөлiгiнiң қарсы бағытта жүруге арналған жағына шығу) көзделген әкімшілік құқық бұзушылық жасаған Е-ге қатысты әкімшілік іс қаралды.
Сотта анықталғандай, Е. өзінің басқаруындағы автокөлікпен Өскемен қаласы Қабанбай батыр көшесі №148 үйдің маңында, төрт жолағы бар екі жақты қозғалысқа арналған жолда жолдың қарсы бағыттағы қозғалысына арналған жағына шығып, сол боймен қозғалған.
Сот қаулысымен Е. ӘҚБтК-нің 596-бабы, 3-бөлігінде көзделген әкімшілік құқық бұзушылықты жасағаны үшін кінәлі деп танылып, бір жыл мерзімге көлік құралдарын басқару құқығынан айырылды.
Қаулы заңды күшіне енгізілді.
Өскемен қаласының
мамандандырылған әкімшілік сотының
баспасөз қызметі