Архив событий

Семей қаласының мамандандырылған әкімшілік сотының судьясы Ж.С.Сыздыкова Семей қаласында орналасқан  сақтандыру компанияларының филиалдарының өкілдерінің қатысуымен «Сақтандыру компаниялардың «Сот кабинеті» сервисі арқылы сот актілеріне қол жеткізу» тақырыбында дөңгелек үстел  өткізді.

Аталған шараға судья А.Абдигалымова,  сақтандыру компанияларының филиалдарының өкілдері «Казахинстрах» АҚ - Т.Шматенко,   «Виктория» АҚ - А.Смагулова,  «Номад-Иншуранс» - АҚ,  Р.Мамарева, «Коммеск-Өмір» АҚ - Л.Агеева қатысты.  

Шығыс Қазақстан облысының қылмыстық істер жөніндегі мамандандырылған ауданаралық сотында №38 мектеп гимназиясы түлектерінің қатысуымен «Ашық есік күні» өтті.

Сот төрағасы Б.Ә.Кәсенов Қазақстан Респуликасының сот жүйесі туралы және қылмыстық істер жөніндегі мамандандырылған ауданаралық соты жөнінде айтып өтті. Сот төрағасы өзінің тәжірибесімен бөлісіп, өздігінен білім алудың маңыздылығы туралы айтып, кездесуге келген жастардың сұрақтарына толыққанды жауаптар берді.

Шығыс-Қазақстан облысының прокуратурасы «Заңдылық»  ақпараттық-аналитикалық жүйесі бойынша аумақтық семинар-тренинг өткізді.

Іс-шараға аудандық, қалалық, облыстық соттардың судьялары мен Бас прокуратураның және Павлодар, Шығыс-Қазақстан облысының прокуратураларының өкілдері қатысты. Өскемен қаласының №2 сотының судьялары К.Қасымов, С.Сарсенбаев, К.Салбанова аталмыш іс-шараға қатысты.

Көкпекті ауданының  № 2 аудандық сотының сот приставы Р.Сүйеукенов Самар ауылдық әкімшілігінің мамандарының қатысуымен сот жүйесіне енгізілген жаңа технологиялар бойынша дәріс өткізді.

Семей қаласының мамандандырылған әкімшілік сотынының судьясы Р.Рахимова әскери қызметкерлерлердің арасында құқықбұзушылықтардың алдын-алу мақсатында 5511 әскери бөлімінің акт залында Қазақстан Республикасы Әкімшілік құқық бұзушылық туралы кодекстің 652-бабының 6-бөлігімен  (Қазақстан Республикасының әскери қызмет саласындағы заңнамасын бұзу) әскери қызметкер А-ға қатысты әкімшілік құқық бұзушылық туралы іс бойынша  сот отырысын өткізді. 

Күршім ауданының № 2 аудандық сотында 2017 жылдың 3 айында атқарылған жұмыстар бойынша баспасөз мәслихаты өтті. Іс-шарада сот төрағасы Р.Омаров қылмыстық, азаматтық және әкімшілік істер бойынша статистикалық мәліметтерді келтіріп, соттың БАҚ құралдарымен жасалған жұмыстар туралы баяндама жасады.

Баспасөз мәслихатына жергілікті «Рауан – Заря» газеттерінің тілшісі А.Мұхаметжанов қатысты.

Өскемен қалалық сотының судьясы Ж.М. Нұрсалинова «Менің құқығым» телебағдарламасында тікелей эфирде сұхбат берді.

Шығыс Қазақстан облысының №1 кәмелетке толмағандар істері жөніндегі мамандандырылған ауданаралық сотында сот төрағасының м.а. С.М.Тұтқанбаева мен кеңсе меңгерушісі Ш.Т.Нысаинов Өскемен қаласының Қазақстан-Американдық Еркін Университетінің студенттерімен кездесу өткізді.

Бұл кездесудің мақсаты студенттермен байланыс орнату, Қазақстан Республикасының сот жүйесіне деген қызығушылығы, құқықтану саласында жас мамандарды дайындау болып табылады.

Күршім ауданының № 2 аудандық сотында бұқаралық ақпараттық құралдары жұмысына жауапты мамандарға, БАҚ және көпшілікпен өзара іс-қимылды нығайтуға бағытталған семинар сабағы өткізілді.

Осы іс шараның ұйымдастыру мақсаты мамандарды іскерлік ақпаратты өңдеп, жинап және таратудың  негізгі әдістерімен таныстыру.

Зырян аудандық  сотының төрағасы А.Исмагулов БАҚ өкілдере арналған «Медиация туралы» Заңды қолдану» тақырыбында брифинг өткізді.

Тарбағатай аудандық сотының кеңсе меңгерушісі А.Қасенғалиева «Сот органдарындағы процессуалдық емес байланысты орнықтырмау – сыбайлас жемқорлыққа қарсы іс-қимыл шараларын ұйымдастырудың тиімді тетігі» атты тақырыбында кеңсе мамандары арасында семинарлық сабақ өткізді.

Зайсан аудандық сотымен көші-қоны заңын бұзған К.-деген Өзбекстан азаматына қатысты әкімшілік құқық бұзушылық туралы іс қаралды.

Өзбекстан Республикасының К. есімді азаматы Қазақстан Республикасы аумағына жеке мақсатпен келіп, 2017 жылдың наурыз айында Алматы облысы Қарасай   АІІБ-на уақытша тіркелген, алайда сәуір айының басында Шығыс Қазақстан облысы Зайсан қаласына келіп, тіркеуден өтпей жеке кәсіпкерлікпен айналысқан.