Архив событий

Тарбағатай ауданының №2 аудандық сотының төрағасы С.Ахмеджанов, кәсіби медиатор Т.Ә.Омар, кәсіби емес медиаторлар Т.А.Халықов, Т.Дуйсенов, А.К.Ахметжановаларға Жоғары Соттың пилоттық жобасын таныстыру мақсатында «Медиация-дауды шешудің тиімді жолы» тақырыбында баяндама жасады.

Өз баяндамасында аудандық соттың төрағасы пилоттық жобаның мақсаты даулардың (жанжалдардың) жекелеген санаттарын медиация тәртібімен сотқа дейінгі реттеуді азаматтық сот ісін жүргізуге енгізу болып табылатындығын атап көрсетті.

Зайсан аудандық сотымен ӘҚБтК-нің 653-бабының, 1-бөлігімен көзделген құқық бұзушылықты жасаған А-ға қатысты әкімшілік іс қаралды.

Зайсан аудандық сотының судьясы Г.Нұртазинованың төрағаның атына жазған баянатының негізінде А-ның үстінен ӘҚБтК-нің 653-бабының 1-бөлігімен әкімшілік құқық бұзушылық іс құжаттары жиналды,  онда А. соттың хабарламасын, шақырту қағазын ала тұра, судьяға анық  құрметтемеушілік білдіріп, сот отырысының  болуына кедергі жасағаны үшін бір тәулікке әкімшілік қамаққа алдынды.  

Бесқарағай аудандық сотының төрағасы А.Абдрахманов «Сот кабинеті» тақырыбына «дөңгелек үстел» өткізді.

Көкпекті ауылының  Әкімдігінде  аудандық прокуратураның бастамасымен Көкпекті ауданы бойынша әкімшілік айыппұлды өндіру мәселесі бойынша жедел кеңес өтті.

Кеңеске Көкпекті ауданының №2 аудандық сотының төрағасы Нұралинов Н.О., аудан прокурорының м.а. Қарымсақов Б.Б., Көкпекті аудандық сотының судьясы Жаныбекова Н.Б., Көкпекті аудан Әкімінің орынбасары Акимова А.Ж., аудандық ішкі істер бөлімінің, жергілікті полиция қызметінің, төтенше жағдайлар бөлімінің және басқа да мемлекеттік орган өкілдері қатысты.

Ұлан ауданының № 2 аудандық сотында кәмелетке жасы толмаған, орта мектептердің жоғарғы сынып оқушыларына қылмыстық жазалану әрекеті мен әкімшілік құқық бұзушылық әрекеттерінің алдын алу мақсатында «Ашық есік күні» өткізілді.

Аталған шара барысында оқушылар сот жұмысының барысымен таныстырылды. Қоғамдық тәртіпке және имандылыққа қол сұғатын әкімшілік құқық бұзушылық, яғни, кәмелетке жасы толмаған азаматтың түнгі уақытта өзінің заңды өкілінсіз (ата-анасынсыз) қоғамдық ортаға баруы туралы әкімшілік іс көрсетілім түріндегі сот отырысында қаралды.

Бесқарағай аудандық сотында маңызды процессуалды құжат болып табылатын – сот отырысының хаттамасын әзірлеу бойынша семинар сабағы өткізілді.

Семинар сабағында баяндама жасаған аудандық сот мәжілісінің бас маманы - Ж.Ермекова сот отырысының хатшыларына дұрыс әзірленуі жөнінде кеңінен тоқталып өтті.

Баяндамашы сот отырысының хаттамасының мазмұны, тәртібі және мерзімдері Қазақстан Республикасының Азаматтық процесстік кодекстің 26 тарауында нақты көрсетілгендігі туралы түсіндіріп берді.

Катонқарағай ауданының № 2 аудандық сотында «Азаматтық істердің кейбір санаттарын қарау барысында туындайтын мәселелер» тақырыбына семинар өтті. Семинарға соттың судьялары қатысты.

Семинарда азаматтық істердің кейбір санаттарын қарау барысында туындайтын мәселелерді талқылады. Атап айтқанда, жер және еңбек құқық қатынастарынан туындайтын дауларды қарау, сот қаулыларын қабылдау  бойынша сұрақтар нақты азаматтық істерді мысалға келтіріле отырып талқыланды.

Зайсан аудандық сотының төрағасы Б.Мергембаев соттың ашықтығын, жариялығын және қолжетімдігін қамтамасыз ету мақсатында Қарабұлақ ауылдық округінде болып, халықпен кездесу өткізді, кездесу соңында округ азаматтарына жеке қабылдау жүргізді. Жеке қабылдауға Қарабұлақ ауылының төрт азаматы жазылды.

Жеке  қабылдауда болған бірінші азаматша жылжымайтын мүлікті жариялау науқаны кезінде өзі тұрып жатқан үйді жер телімімен бірге заңдастырып алғанын, қазіргі күні көршісімен арада жер дауы туындағанын айтып, дауды шешудің жолын сұраған.

Семей қаласының мамандандырылған әкімшілік соты Қазақстан Республикасының  әкімшілік құқық бұзушылық туралы Кодексінің 517-бабының, 2-бөлігіне сәйкес (тіркеу кезінде көрсетілген мекен-жайда тұрмау) Ресей Федерациясының азаматына қатысты әкімшілік іс қарады.

Ұлан ауданының № 2 аудандық соты «Сот актілерін орындау» тақырыбында  «Сот актілерін орындау Ұлан аумақтық бөлімі» филиалының сот орындаушысы В.Казак, судья А.Байжуменова және сот қызметкерлерінің қатысуларымен семинар сабақ өткізді. 

Кездесу барысында қылмыстық, азаматтық және әкімшілік істер бойынша   сот актілерін аумақтық бөлімімен орындалғаны және сот актілерін орындалуы жұмыстарын күшейту туралы баяндама жасалды.