Архив событий

Күршім ауданының №2 аудандық сотында аудандық және оған теңестірілген соттарда іс қағаздарын жүргізу ережелерін зерделеуге арналған сот мамандарының қатысуымен семинар сабағы өтті.

Кеңсе меңгерушісі Г.Шакирова баяндамасында Ереженің келесі бөлімдерін:«Ережеде пайдалынылған негізгі ұғымдар», «Іс жүргізуді қамтамасыз етуге негізгі міндеті және іс жүргізуді ұйымдастыру басшылығы», «Құжаттардың орындалуын бақылау», «Істерді алу және беру», «Мөрді, штампты, қатаң есептегі бланкілерін есепке алуды, сақтауды және қолдану» туралы толық түсіндірді.

Өскемен қаласының мамандандырылған әкімшілік сотында ӘҚБтК  610-бабының, 1-бөлігінде (көлiк құралдары жүргiзушiлерінiң жол жүрісі қауiпсiздiгiн қамтамасыз етудiң белгiленген қағидаларын көлiк құралдарын, жүктердi, жолдарды, жол құрылыстары мен басқа құрылыстарды немесе өзге де мүлiктi бүлдіруге әкеп соққан, материалдық залал келтiрген бұзушылығы) көзделген  әкімшілік құқық бұзушылық жасағаны үшін И-ға қатысты әкімшілік іс қаралды. 

Катонқарағай ауданының №2 аудандық сотында ҚК 188-бабы, 1-бөлігімен, яғни ұрлық - бөтеннің мүлкін жасырын жымқыру үшін Н.Нечунаеваға қатысты қылмыстық іс қаралды. 

Сот мәжілісінде тараптар дауды медиация тәртібімен реттеу туралы келісім беріліп, тараптар татуласуларына байланысты істі қысқартуды сұраған.

Медиация тәртібімен реттеу туралы келісім сотпен бекітіліп, сот қаулысымен  қылмыстық  іс медиация тәртібімен қысқартылды.

Қаулы заңды күшіне енген жоқ.

Катонқарай аудандық сотында «Сот кабинеті» электрондық ақпараттық сервисі тақырыбында бас маман Ш.Теміржанова дәріс оқыды, тыңдаушылар ретінде судьялар, сот қызметкерлері, Катонқарағай ауданының адвокаты Б.К. Құсаинова және құқық қорғау органдарының өкілідері қатысты.

Ұлан аудандық сотымен  ӘҚБтК-нің 461-бабымен (ішкі істер органы шығарған қорғау нұсқамасын бұзу) көзделген құқық бұзушылықты жасаған азамат А-ға қатысты әкімшілік іс қаралды.

Сотта,  А өз  үйінде  жұбайына қарсы балағат сөздер айтып, қауіпсіздігін қамтамасыз ету мақсатында ішкі істер органдарымен қолданған қорғау нұсқамасын бұзғандығы анықталды.

Семей қаласының мамандандырылған әкімшілік соты Қазақстан Республикасының  Әкімшілік құқық бұзушылық туралы Кодексінің 608-бабының 1-бөлігі бойынша Ж-ке қатысты (жүргізушінің көлік құралын алкогольдік, есірткілік және (немесе) уытқұмарлық масаң күйде  басқаруы, сол сияқты көлік құралын алкогольдік,  есірткілік және (немесе) уытқұмарлық масаң күйдегі адамның басқаруына беру) әкімшілік іс қаралды.

Сотта, Ж-ның  алкоголдік масаң күйде көлік жүргізгені анықталды.