Дс, 02/10/2017 - 09:30
Семей қаласының №2 ювеналды сотында сот мамандарының қатысуымен «Мемлекеттік қызметкерлердің қызметтік этикасы» тақырыбына семинар өткізілді.
Іс-шараның мақсаты – сот мамандардың моральдық-адамгершiлік бейнесiн және iскерлiк қасиеттерін арттыру.
Семинар Қазақстан Республикасының мемлекеттік қызметшілерінің әдеп кодексінің негізінде өткізілді. Семинардың негізгі міндеттері: мемлекеттік қызметте өзара қарым-қатынастың жоғары мәдениетін қалыптастыруға, халықтың мемлекеттік органдарға сенімін нығайтуға, қызмет уақытында және қызметтен тыс уақытында іскерлік әдепті және ресми мінез-құлық қағидаларын сақтауға.
Сот қызметкерлеріне мемлекеттік қызметкерлердің міндеттері талқыланды, соның ішінде: басқа мемлекеттік қызметшілер тарапынан қызметтік әдеп нормаларын бұзудың жолын кесуге немесе оларды болдырмау жөнінде өзге шаралар қабылдау, ұжымда әріптестерінің ар-намысы мен абыройына кір келтіретін жеке және кәсіптік қасиеттерін талқылаудан аулақ болу, қоғамға жат мінез-құлығын, оның ішінде масаң күйде болу жағдайларына жол бермеу.
Кеңсе меңгерушісі А.Ахметова Қазақстан Республикасының мемлекеттік қызмет, сыбайлас жемқорлыққа қарсы іс-қимыл саласындағы заңнамасын және Әдеп кодексін сақтау мәселелері бойынша мемлекеттік қызметшілермен түсіндіру жұмыстарын тұрақты негізде жүргізілетіндігін белгіледі.
Аталған шара ұжымдағы моральдық-әдептілік ережелерін нығайтып, жетілдіруіне себептесті.
ШҚО №2 кәмелетке толмағандардың істері жөніндегі
мамандандырылған ауданаралық сотының
баспасөз қызметі