Шығыс Қазақстан облыстық сотыжм, 28/04/2017 - 08:10
Баспаға арналған нұсқасы
Хат жолдау
Курчатов қалалық сотында ӘҚБтК-нің 669-бабы (Сот үкiмiн, сот шешiмiн немесе өзге де сот актiсiн және атқарушылық құжатты орындамау) бойынша әкімшілік жауапкершілікке тартылған С.-ға қатысты әкімшілік іс қаралды.
Сот отырысында анықталғаны, Курчатов қалалық сотының 2017 жылғы 06 ақпанындағы қаулысына сәйкес С.-ның мiнез-кұлқына ерекше талаптар белгiленіп, ерекше талаптар мерзімі ішінде онымен профилактикалық жұмыс жүргізу үшін, әр айдың 1-ші дүйсенбісі күні тұрғылықты жері бойынша полиция бөліміне келіп тұру міндеті жүктелген. Бірақ ол Курчатов қалалық полиция бөліміне тіркеуге келмей, соттың қаулысын орындамаған.
Соттың қаулысына сәйкес С. ӘҚБтК-нің 669-бабы бойынша кінәлі деп танылып, оған 1 (бір) тәулік әкімшілік қамаққа алу әкімшілік жазасы тағайындалды.
Қаулы заңды күшіне енген жоқ.
Курчатов қалалық сотының
баспасөз қызметі
