Архив событий

Бесқарағай аудандық сотында  «Сот кабинеті» электрондық сервисі»  тақырыбында семинар өткізілді. Сот жүйесіне деген азаматтардың сенімін арттыру, жеңілдетілген сот ісін жүргізу, сот жүйесінің ашықтығы мен жариялылығын қамтамасыз ету мақсатында,  сот төрелігін жүзеге асыруда заманауи ақпараттық технологияларды енгізу бойынша көптеген іс шаралар жүзеге асырылды.

Шараны өткізудің басты мақсаты – «Сот кабинеті» сервисінің мүмкіндіктерін түсіндіру мен қолдану болып табылады.                                                             

Тарбағатай ауданының №2 аудандық сотының ғимаратында судьялар мен сот қызметкерлеріне  «Қазақстан Республикасының Тәуелсіздігіне  25 жыл» мерекелік медалі және  алғыс хаттар  табысталды.

Көкпекті ауданының №2 аудандық сотында ҚР ӘҚБтК-нің 517-бабы, 2-бөлігімен Қазақстан Республикасының көші-қон заңнамасын бұзғаны үшін Ресей азаматы Д.Филатовқа қатысты әкімшілік іс қаралды.

Д.Филатов Қазақстан Республикасының шекарасын кесіп өтіп,  ішкі істер органында тіркеусіз жүрген.

Сотта шетелдік кінәсін толық мойындап, әрекетіне өкінетіндігін білдірді. Мұны сот жеңілдететін мән-жайға жатқызып, оған 15 АЕК айыппұл санкциясын қолданды.

Қаулы заңды күшіне енген жоқ.

Ұлан аудандық сотында соттық хабарламалар мен шақырулар тәртібі туралы оқу семинары өтті.

Іс-шараға сот төрағасы М.М.Халмурзаев, соттың кеңсе меңгерушісі Н.Ж.Кисыкова, бас мамандар – сот отырысының хатшылары А.З.Гайсина, С.Т.Ашимжанова, бас маман Р.Х.Чамакаев, жетекші мамандар Н.О.Сатпаева, Ш.Б.Жомартова қатысты.

Көкпекті ауданының  № 2 аудандық сотымен ҚР ӘҚБтК-нің 73-бабы, 1-бөлігімен (отбасы-тұрмыстық қатынастар аясындағы құқыққа қарсы әрекеттер) әкімшілік құқықбұзушылар Т.Батырханов пен Б.Байғұнақовқа қатысты екі әкімшілік іс қаралды.

Іс материалдарынан, ББайғұнақов және  Г.Батырханова  алкогольдік масаң күйде жәбірленушіге балағат сөздер айтқан.

Сотта жәбірленуші құқық бұзушыларды кешіріп, дауды медиация тәртібінде реттеу туралы медиациялық келісім жасасты. Сот аталған келісімді бекітіп, істі қысқартты.

Ұлан аудандық сотында «Сот кабинеті» ақпараттық сервисінің жаңашылдықтарын талқылауға арналған «дөңгелек үстел» өтті.

Аталған іс-шараға сот төрағасы М.М.Халмурзаев, соттың судьялары мен мамандары, Ұлан ауданының прокуратурасының өкілдері, жергілікті мекемелердің «Молодежный» МКК-нің, «Жемчужина» МПК-нің өкілдері қатысты.

Зырян аудандық соты Қазақстан Республикасының қылмыстық кодексінің 189-бабы, 3-бөлігінің, 1-тармағымен (сенiп тапсырылған бөтен мүлiктi иемденiп алу немесе талан-таражға салу, осы баптың бiрiншi немесе екiншi бөлiктерiнде көзделген іс-әрекеттер, егер олар iрi мөлшерде жасалса) И.Лукьяненкоға қатысты қылмыстық іс қаралды

Сот беделін көтеру, олардың жұмысындағы жариялылықты қамтамасыз ету, Шығыс Қазақстан облыстық соты судьялыққа тағлымдамадан өту үшін бос орындарға жариялаған конкурсқа кандидаттардың іскерлік, кәсіби, моральдық тұлғалық қасиеттерін неғұрлым терең зерттеп білу мақсатында тұрғындар назарына төмендегі тізім бойынша кандидаттарды ұсынады.

Зырян аудандық сотында ата-ананың немесе басқа да заңды өкiлдердiң балаларды тәрбиелеу жөнiндегi мiндеттердi орындамай, әкімшілік жаза қолданылғаннан кейін бір жыл ішінде қайталап жасаған А.Захарцеваға қатысты әкімшілік іс қаралды.

А.Захарцеваның асырауында екі кәмелет жасына  толмаған балалары бар.  Ол балаларды тәрбиелеуде өз міндеттерін орындамайды. Қазіргі уақытта балалар кәмелекет толмағандардың бейімделу Орталығында.

Ұлан аудандық сотының ғимаратында «Қазақстан  Республикасы судьяларының кезектен тыс VII съезінде қабылданған жаңа Судьялық әдеп кодексін талқылау» тақырыбында дөңгелек үстел өткізілді.

Аталған шараға Ұлан аудандық сотының судьялары А.К.Нұрғазин,  Х.К.Тлеубергенова, кәсіби медиатор Т.З. Танекенова, кеңсе меңгерушісі Н.Ж.Кисыкова, бас мамандар-сот отырысының хатшылары: А.З.Гайсина, С.Т.Ашимжанова, бас маман Р.Х.Чамакаев, жетекші маман Н.О.Сатпаева қатысты.

Бесқарағай аудандық ҚР ӘҚБтК-нің 73-бабының, 1-бөлігімен (құқық бұзушымен отбасы-тұрмыстық қатынастардағы адамдарға сыйламаушылық көрсетiлiп, былапыт сөйлеу, қорлап тиiсу, кемсiту, үй тұрмысындағы заттарды бүлдiру және олардың тыныштығын бұзатын, жеке тұрғын үйде, пәтерде немесе өзге де тұрғынжайда жасалған басқа да әрекеттер, егер бұл әрекеттерде қылмыстық жазаланатын іс-әрекет белгiлерi болмаса) В.Шушпановқа қатысты қозғалған әкімшілік іс қаралды.

Өскемен қаласының мамандандырылған әкімшілік сотында ӘҚБтК-нің  610-бабының, 1-бөлігінде (көлiк құралдары жүргiзушiлерінiң жол жүрісі қауiпсiздiгiн қамтамасыз етудiң белгiленген қағидаларын көлiк құралдарын, жүктердi, жолдарды, жол құрылыстары мен басқа құрылыстарды немесе өзге де мүлiктi бүлдіруге әкеп соққан, материалдық залал келтiрген бұзушылығы) көзделген  әкімшілік құқық бұзушылық жасағаны үшін Н. Слямбаевқа қатысты әкімшілік іс қаралды. 

Өскемен қаласының мамандандырылған әкімшілік сотында ҚР ӘҚБтК-нің  596-бабы, 3-бөлігінде (жол жүрiсi қағидаларында тыйым салынған жағдайларда, жолдың жүру бөлiгiнiң қарсы бағытта жүруге арналған жағына шығу) көзделген  әкімшілік құқық бұзушылық жасаған А.Захарьяновқа қатысты әкімшілік іс қаралды. 

Күршім ауданының №2 аудандық сотының ғимаратында жергілікті «Рауан»-«Заря» газетінің журналисі А.Мұхаметжановтың қатысуымен сотпен қаралған қоғамдық пікір туғызған істер бойынша брифинг өткізілді.

Соот төрағасының м.а С.Жүнісбекова, статистикалық мәліметтерге сай 2016 жылдың 11 айында сотпен 32 қылмыстық, 95 азаматтық және 106 әкімшілік істер қаралғандығын атап өтті. Істерді қараудың процессуалдық мерзімдері бұзылмаған. Медиация институтын қолдану арқылы 9 қылмыстық, 20 азаматтық және 21 әкімшілік істер қысқартылған.