Ел Тәуелсіздігінің 25 жылдығы қарсаңында Семей қаласында Шәкәрім атындағы Университеттің бастамасымен «Төрттік Финал» атты мини-футбол бойынша турнирдың «ӨС-Өскемен-Семей» финалдық ойындары өтті.
Аталған шараның құрылтайшылары: Шығыс Қазақстан облыстық сотының төрағасы Досжан Әміров және Университет ректоры Меир Ескендиров болды.
Бесқарағай аудандық сотында ҚР ӘҚБтК-нің 73-бабының, 1-бөлігімен (құқық бұзушымен отбасы-тұрмыстық қатынастардағы адамдарға сыйламаушылық көрсетiлiп, былапыт сөйлеу, қорлап тиiсу, кемсiту, үй тұрмысындағы заттарды бүлдiру және олардың тыныштығын бұзатын, жеке тұрғын үйде, пәтерде немесе өзге де тұрғынжайда жасалған басқа да әрекеттер, егер бұл әрекеттерде қылмыстық жазаланатын іс-әрекет белгiлерi болмаса) С.Юрьевқа қатысты іс өндірісі тараптардың медияциялық келісімге келуімен қысқартылды.
Глубокое аудандық сотының төрағасы С.Ж.Жансейіт медиация заңының қолдану барысы жайлы кәсіби емес медиаторлармен кездесу өткізді.
Аталған шараға Глубокое кентінің кәсіби емес медиаторлары Ш.Ахметкалиев және Т.И.Глушкова қатысты.
Кездесу барысында сот төрағасы кәсіби емес медиаторларға аудандық соттың медиация институтын насихаттау, халыққа жеткізу бағытында атқарылып жатқан іс шаралар жайлы айтып өтті. Сонымен қатар, медиаторлардың қарауымен аяқталған істер жайлы статистикалық мәліметтермен таныстырды.
Бесқарағай аудандық соты ӘҚБтК-нің 73-бабының, 1-бөлігімен (отбасы-тұрмыстық қатынастар аясындағы құқыққа қарсы әрекеттер) қарастырылған әкімшілік құқық бұзушылықты жасағаны үшін жауапқа тартылған О.Шабаршовқа қатысты әкімшілік істі қарады.
Сотта, О.Шабаршовтың өз үйінде жанжал шығарып, жұбайына былапыт сөздер айтқандығы анықталды. Сотта істі қарау барысында, жәбірленуші құқық бұзушымен татуласып, тараптар сотқа бітімгершілік келісімін ұсынды.
Глубокое аудандық соты қарызды өндіру туралы талап арыз бойынша азаматтық істі қарады.
Глубокое аудандық сотымен ҚК-нің 287-бабы, 3-бөлігі (атыс қаруын (тегiс ұңғылы аңшылық қаруынан басқа), оқ-дәрiлердi, жарылғыш заттарды немесе жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру) бойынша И.А.Новосельцевқа қатысты қылмыстық іс қаралды.
Сотта, полиция қызметкерлерімен жүргізілген жедел іздестіру шаралар барысында И.А.Новосельцев ұсталынып, оның үйін тінту кезінде заңсыз ЗК 16 калибрлы модельді бір ұңғымалы аңшылық мылтық табылып, алынғаны анықталды.
Зырян аудандық соты аудандық пробация қызметінің сотталған П.Кругловқа қатысты тағайындалған бас бостандығын шектеу жазасын бас бостандығынан айыру жазасына ауыстыру туралы ұсынысын қарады.
Катонқарағай аудандық сотында ҚР ӘҚБтК-нің 608-бабы, 1-бөлігімен (Жүргізушінің көлік құралын алкогольдік, есірткілік және (немесе) уытқұмарлық масаң күйде басқаруы, сол сияқты көлік құралын алкогольдік, есірткілік және (немесе) уытқұмарлық масаң күйдегі адамның басқаруына беру) Н.Н.Веригинаға қатысты әкімшілік іс қаралды.
Сот отырысы барысында анықталғандай, Н.Н.Веригина есірткілік масаң күйде көлік құралын басқарып, Советская көшесі бойында қозғалысы кезінде полиция қызметкерлерімен ұсталып, медициналық куәландыруға апарылды.
ШҚО Бородулиха аудандық соты ҚК-нің 188-бабы, 3-бөлігіне қарасты (ұрлық, яғни көлік құралына заңсыз кірумен жасалған ірі мөлшерде бөтен мүлікті жасырын ұрлау) кінәлі деп танылған Т.Гудковқа қатысты қылмыстық істі қарады.
Сот үкімімен Т.Гудковқа мүлкін тәркілеумен қатар, 3 жылға бас бостандығынан айыру жазасын жалпы режимдегі түзеу колониясында өтеу тағайындалды.
Зырян аудандық соты «Зырян ауданы - Зырян қаласы бойынша мемлекеттік кірістер басқармасы» ММ-нің борышкерден көлік салығы бойынша берешекті өндіру туралы арызы бойынша азаматтық ісі қаралды.
Борышкерге салық заңнамасын бұзуды жою туралы хабарлама уақытылы тапсырылған, алайда берешек төленбеген.
Үржар ауданы №2 сотында Қазақстан Республикасының ӘҚБтК-нің 200-бабының, 3-бөлігімен (Қазақстан Республикасы заңнамасының алкоголь өнімін өткізу жөніндегі талаптарын бұз) қарастырылған Н.М.Бабасовқа қатысты әкімшілік іс қаралды.
Сотта анықталғандай, Н.М.Бабасов жеке кәсіпкер бола тұра, түнгі сағат 23 тен кейін алкоголь өнімін сатқан, яғни Қазақстан Республикасының ӘҚБтК–нің 200-бабының, 3-бөлігінде көрсетілген әкімшілік құқық бұзушылықты жасаған.
Семей қалалық сотымен мүлікті бөлу туралы азаматтық ісі қаралды.
Тараптар сотқа автокөлік құралдары, жылжымалы мүлік, тұрмыстық техника, жиһаз, үй тұрмысындағы заттар және жауапкершілігі шектеулі серіктестігіндегі үлесі ретінде ортақ мүлікті бөлу туралы талап арызбен және қарсы талап арызбен жүгінген.
Семей қалалық сотымен шетелдік азаматты Қазақстан Республикасының шектеріне шығарып жіберу туралы азаматтық ісі қаралды.
«Семей қаласының ішкі істер басқармасы» - ММ, Ресей Федерациясының азаматы М.Фарафонов, біздің елдің заңнамасын бұзғаны үшін қылмыстық жауапкершілікке тартылғанын көрсетіп және осы мән жайға байланысты елден шығарып жіберу туралы арызбен сотқа жүгінген.
Өскемен қаласының мамандандырылған әкімшілік сотында ӘҚБтК-нің 73-бабының 1-бөлігінде (отбасы-тұрмыстық қатынастардағы құқыққа қайшы әрекеттер) көзделген әкімшілік құқық бұзушылық жасаған Е.С.Дюсуповқа қатысты әкімшілік іс қаралды.
Сот отырысында анықталғандай, Е.С.Дюсупов өз пәтерінде ішімдік ішкен алкогольдік масаң күйінде әйеліне қарсы ұрыс шығарып, оның атына былапыт сөздер айтып, қорлаған.
Сот мәжілісі барысында тараптар өзара татуласып, медиаторлық келісім жасауы негізінде соттан іс өндірісін қысқартуды сұрады.
Өскемен қаласының мамандандырылған әкімшілік сотында ӘҚБтК-нің 73-бабының 1-бөлігінде (отбасы-тұрмыстық қатынастар аясындағы құқыққа
қарсы әрекеттер) көзделген әкімшілік құқық бұзушылық жасаған А.Е. Мұқановқа қатысты әкімшілік іс қаралды.
Сот отырысында анықталғандай, А.Е. Мұқанов өз отбасы-тұрмыстық қатынаста бірге тұратын тұлғаға қарсы ұрыс шығарып, оның атына былапыт сөздер айтқан.
Сотта тараптар өзара татуласып, медиаторлық келісім жасауы негізінде соттан іс өндірісін қысқартуды сұрады.
Шығыс Қазақстан облыстық соты