Архив событий

Бүгін Шығыс Қазақстан облыстық сотының төрағасы Д.Әміров Өскемен қаласының жас судьяларымен кездесті. Кездесуге Өскемен қаласының 23 жас судьялары шақырылды.

Әміров Досжан Сарманқұлұлы жас судьялармен кездесуді аша отырып: «Судья болуға тағайындалу оңай емес, бірақ бұл атақты алып жүру одан да қиын», - деді.

Д.Әміров атап өткендей, судья атағына лайықты болу қажет. Ол үшін жұмыстың алғашқы айларынан бастап, практикада  кәсіби және өз ісінің шебері ретінде өзіңді таныта білу керек.

Зырян аудандық сотында ҚР ҚК-нің 346-бабының, 1-бөлігінде  (көлік құралын алкогольдік масаң күйінде басқару) көрсетілген қылмыстық теріс қылық жасаған А.Спиваковқа қатысты қылмыстық іс қаралды.

Сотта анықталғандай, А.Спиваков бұрын алкогольдік ішімдік ішкен күйінде көлік басқарғаны үшін 3 жыл мерзімге көлік басқару құқығынан айырылған адам бола тұра, қайталап көлік құралын алкогольдік масаң күйінде басқарып, полиция қызметкерлеріне ұсталған.

Ұлан ауданының №2 аудандық сотында  ҚР ҚК-нің 108-бабы (денсаулыққа қасақана жеңіл зиян келтіру) бойынша Е.Г.Косинцевке қатысты қылмыстық ісі қаралды.

Т.Н.Емельянова сотқа жеке айыптау тәртібімен Е.Г.Косинцевқа жеке айыптау келтірді. Жеке айыптаушы Т.Н.Емельянова сотқа дауды медиация тәртібімен реттеу туралы  келісімін бекітуге ұсынды.

Сот қаулысымен медиациялық келісім бекітіліп, іс бойынша өндіріс қысқартылды.

Қаулы заңды күшіне енді.

2011 жылы 28 қаңтарда Қазахстанда «Медиация туралы» Заң қабылданған. Жеке және заңды тұлғаларда туындайтын азаматтық, отбасылық, еңбек жағдайларында  немесе басқада құқықтық қатынастарда пайда болатын дау-дамай (шиеленіс) медиация тәртібін қолданудың негіздері болып табылады.

Өскемен қаласының мамандандырылған әкімшілік сотында ӘҚБтК-нің 608-бабының 1-бөлігі (жүргізушінің көлік құралын алкогольдік, есірткілік және (немесе) уытқұмарлық масаң күйде басқаруы, сол сияқты көлік құралын алкогольдік, есірткілік және (немесе) уытқұмарлық масаң күйдегі адамның басқаруына беруі) бойынша әкімшілік жауапкершілікке тартылған Д.Ивановқа қатысты әкімшілік іс қаралды.

Глубокое аудандық сотымен  ӘҚБтК-нің 461-бабымен (ішкі істер органы шығарған қорғау нұсқамасын бұзу) көзделген құқық бұзушылықты жасаған азамат С.И.Исаевқа қатысты әкімшілік іс қаралды.

Сотта,  С.И.Исаев өз  үйінде  жұбайына қарсы балағат сөздер айтып, қауіпсіздігін қамтамасыз ету мақсатында ішкі істер органдарымен қолданған қорғау нұсқамасын бұзғандығы анықталды.

Глубокое аудандық  сотында   әкімшілік құқық бұзушылық туралы Кодексінің 669-бабымен (Сот үкiмiн, сот шешiмiн немесе өзге де сот актiсiн және атқарушылық құжатты орындамау) азамат Е.Г.Қаратаевқа қатысты әкімшілік іс қаралды.

Іс құжаттарына сәйкес Е.Г.Қаратаев ӘҚБтК-нің 615-бабы, 1-бөлігімен мемлекет пайдасына 10 605 теңге салынған туралы қаулысын орындамаған.

Сот азамат Е.Г.Қаратаевты ӘҚБтК-нің 669-бабы негізінде кінәлі деп тауып, оған әкімшілік жаза ретінде 10 АЕК мөлшерінде айыппұл тағайындады.

Глубокое аудандық сотында судьялар мен сот мамандары «2017-2019 жылдарға арналған респуликалық бюджет туралы» Заңын зерделеу туралы семинарлық сабақ өткізді.

Оқу бағдарламасының үйлестірушісінің көмекшісі судья А.А.Касенова, мемлекет Басшысымен «2017-2019 жылдарға арналған республикалық бюджет туралы» Заңға қол қойылып, айлық есептік көрсеткіш 2 269 теңге, төменгі жалақы мөлшері 24 459 теңге, негізгі зейнетақы төлемі 12 802, төменгі зейнетақы мөлшері 28 148, әлеуметтік төлемақының мөлшері 24 459 теңге болатындығын атап өтті.

Катонқарағай аудандық сотында сот мамандары қатысқан «Еңбек тәртібін және мемлекеттік қызметшілер әдебін сақтау» тақырыбына арналған семинар өтті. Соттың кеңсе меңгерушісі Э.Жансұлтанова тақырып бойынша сөз сөйледі.

Өз сөзінде Э.Жансұлтанова мемлекеттік қызметте жұмыс жасау, бұл – мемлекет және қоғамның артқан сенімі мен үміттерін ақтау екенін және де мемлекеттік қызметшінің моральдық-этикалық бейнесіне үлкен талап қойылатынын белгілеп өтті.