Архив событий

Шығыс Қазақстан облыстық сотында облыстық сот төрағасы Д.С.Әміровтің, сот алқасы төрағаларының, Әділет Департаменті басшысының орынбасары К.Б.Аль-Сеиттің, сот жүйесінің ардагерлерінің, облыстық соттың, аудандық және оған теңестірілген соттардың судьялары мен қызметкерлерінің  қатысуымен  Қазақстан Республикасы Тәуелсіздігінің 25 жылдығына арналған салтанатты мерекелік шара өткізілді.

Мерекелік шара Қазақстан Республикасы Әнұранының салтанатты түрде орындалуымен ашылды.

Семей қаласының Ювеналды сотының төрағасы Р.Ақпар және  судьялары С.Азмағанбетова мен Р.Байжуманованы «Қазақстан медиаторлар Ассоциациясы (одағы)» ЗТБ бас директоры Ж.Жакуповтың, медиация институтының дамуына елеулі үлес қосқаны үшін алғыс хаттарымен марапатталды.

Сонымен қатар, «Медиацияны дамыту орталығы» республикалық қоғамдық бірлестігінің президенті А.Жулаева, сот төрағасы Р.Ақпарға Қазақстан Республикасында медиацияны дамытуда және Келісім – азаматтық қоғам қалыптастыруда қосқан белсенді үлесі үшін алғыс хат табыстады.

Күршім ауданының № 2 аудандық сотында сот ұжымы, кәсіпқой емес медиаторлар және БАҚ өкілдерінің қатыстысуларымен Тәуелсіздігіміздің 25-жылдығына арналған салтанатты жиын өтті.

Сот төрағасының м.а. С.Жүніспекова жиынға қатысушыларды Тәуелсіздік мерекесі – Қазақстан Республикасының ұлттық мейрамымен құтықтады. Осы атаулы күнмен бірге бейбітшілік, қоғамдық келісім, әрі ұлттық ынтымақтастық сынды ұғымдар біздің өмірімізге енгенін атап өтті.

Тарбағатай ауданының №2 аудандық сотында Қазақстан Республикасының Әкімшілік құқық бұзушылық  туралы  кодексінің  482-  бабының 1-бөлігімен (жеке және заңды тұлғалардың қаруды заңсыз иеленіп алуы, беруі, өткізуі, сақтауы, алып жүруi, тасымалдауы) қарастырылған әкімшілік құқық бұзушылық жасаған азамат С.Шомановқа қатысты әкімшілік  ісі  қаралды.

Іс  материалдарынан, С.Шоманов ішкі істер органдарында тіркелмеген тегіс ұңғылы 12 калибрлі аңшылық мылтықты заңсыз алып жүргені анықталды.

Әкімшілік құқық бұзушылық туралы хаттамаға сәйкес, Қытай азаматы Т.,  Қазақстан Республикасынан Қытай Халық Республикасына «Майқапшағай» бақылау-өткізу бекеті арқылы өткізуге шектеу қойылған 1 800 000 теңгеге бағаланған 2 килограмм «Бирюза» жартылай қымбат минерал тасын кедендік шекара арқылы өткізбекші болған.

Бородулиха аудандық сотының төрағасы С.Д.Байбосынова республика Тәуелсіздігінің 25-жылдығы мен Жаңа жыл қарсаңында сот жүйесінің ардагерлеріне барып қайтты.

Сандуғаш Досановна  ардагерлер Л.Г. Кочуринаның, Л. М.Платонованың үйіне барып, ардагерлердің денсаулықтары мен жағдайларын біліп, сондай-ақ, оларға көптеген жылы тілектер мен сот жүйесінің қалыптасуы мен дамуына қосқан зор үлесі үшін алғысын білдірді.

«Тәуелсіздіктің 25 жылдығы» қарсаңында  Тарбағатай аудандық сотында салтанатты жиын өтті.

Жиынға 1986 жылғы желтоқсан оқиғасына қатысушы, ұзақ жылдар прокуратура саласында үздік қызмет атқарған, қазіргі уақытта адвокаттық қызметте жүрген Байтлеуов Ақас Хамзаұлы шақырылды.

Ақас Хамзаұлы аудандық сот ұжымын «Тәуелсіздіктің 25 жылдық» мерекесімен құттықтап, ел тәуелсіздігінің баянды болуын тіледі.     

Тарбағатай аудандық сотында «Қазақстан Республикасы Судьяларының кезектен тыс VII съезінде қабылданған судьялық әдеп кодексін талқылау» тақырыбында дөңгелек үстел өтті.

Дөңгелек үстелге соттың судьялары, аудандық прокуратура және әкімдік қызметкерлері, БАҚ және қоғамдық ұйым өкілдері, сот қызметкерлері мен тұрғындар қатысты.

Шығыс Қазақстан облысының қылмыстық істер жөніндегі мамандандырылған ауданаралық сотында ҚР Тәуелсіздігінің 25 жылдығы мерекесіне орай  «Тәуелсіздік жолында» атты тақырыбында дөңгелек үстел өтті.

Дөңгелек үстел жұмысына судьялар мен сот мамандары қатысты.