Шығыс Қазақстан облысы Семей қаласының мамандандырылған әкімшілік соты ӘҚБтК-нің 676-бабымен (жеке тұлғалардың заңсыз материалдық сыйақы беруi) қарастырылған әкімшілік құқық бұзушылық жасағаны үшін әкімшілік жауапкершілікке тартылған Р.Жағпаровқа қатысты әкімшілік істі қарады.
Өскемен қаласының №2 сотында ҚР ҚК-нің 192-бабы, 2-бөлігі, 1,3- тармақтарымен (қарақшылық, адамдар тобының алдын-ала сөз байласуымен тұрғын, қызметтiк, өндiрiстiк үй-жайға не қоймаға заңсыз кiру) қарастырылған А.Климовқа, В.Климовқа қатысты қылмыстық іс қаралды.
Білім әрдайым жаңаланып, дағды, икемділік, құзыреттілікті жинақтағанда ғана құндылығы артпақ. Семей қалалық соты мен Қазақ инновациялық университеті арасында әріптестік туралы меморандумға қол қойылып, оның аясында әр сәрсенбі сайын жоғарғы оқу орнының екінші әрі үшінші курстарында білім алудағы 40-тан аса студент сотта дуалды білім алудан өтеді.
Тарбағатай ауданының №2 аудандық сотында ««Сот кабинеті» сервисінің қызметін пайдалану», «Электрондық құжат және электрондық цифрлық қолтаңба» атты тақырыбында семинар сабағы өткізілді.
Семинар сабағына кеңсе меңгерушісі Б.Тоқтасынова және сот мамандары қатысты.
ШҚО қылмыстық істер жөніндегі мамандандырылған ауданаралық сотында ҚК-нің 297-бабы, 3-бөлігі, 1,3-тармақтарымен (адамдар тобының алдын ала сөз байласуымен, аса iрi мөлшердегі есірткі заттарын өткізу мақсатында заңсыз сақтау, тасымалдау және сату) қарастырылған қылмысты жасағаны үшін айыпталған А.Кузнецов пен Д.Волчуковқа қатысты қылмыстық іс қаралды.
ШҚО Зайсан аудандық сотында «Сыбайлас жемқорлыққа қарсы іс қимыл туралы» заңының жаңашылықтарына арналған брифинг өтті.
Брифингке Зайсан аудандық сотының судьялары Н.Хасенбаев, Г.Нуртазинова, Ш.Оспанова, прокурордың орынбасары Р.Закариянов, полиция бөлімінің қызметкері А.Абдрахманова, «Достық» газетінің тілшісі А.Ақыт қатысты.
Үржар ауданының №2 аудандық соты ӘҚБтК 545-бабымен (Тауарлар мен көлiк құралдарын Кеден одағының кедендік шекарасы арқылы өткiзген кезде тыйым салулар мен шектеулерді қолдану тәртiбiн сақтамау) қарастырылған ҚХР азаматына қатысты әкімшілік істі қарады.
Сотта ҚХР азаматы «Бақты» кеден бекетінде кедендік бақылаудан өтіп бара жатып, Қазақстан Республикасының шығаруға рұқсат ететін тиісті құжаттарсыз 165 кг табиғи балды өткізбекші болғандығы анықталды.
Көкпекті аудандық сотында сот төрағасы Ә.Бақытбекұлы «Азаматтардың сайлау құқықтарын сотта қорғау» тақырыбында бұқаралық ақпарат құралдары өкілдерінің қатысуымен брифинг өткізілді.
Сот төрағасы Ә.Бақытбекұлы өз баяндамасында әр адамның сайлауға немесе сайлануға, референдумға қатысуға құқығы бар екенін, және аталған құқық бұзылған жағдайда жазбаша арызбен сотқа жүгінуге болатындығын айтып өтті. Сонымен қатар, аталған арыздардың берілу және қаралу тәртібін түсіндірді.
Шығыс Қазақстан облыстық соты