Архив событий

Өскемен қалалық сотының судьясы А.Володкина «ТӨРЕЛІК»  жүйесі арқылы сот орындаушыларының материалдарды  санкциялау үшін сот органына жолдау» тақырыбында  дөңгелек үстел  өткізді. 

Дөңгелек үстелге  Өскемен  қалалық сотының судьялары Л.Зинашева, Ж.Нұрсалинова, А.Рамазанова, кеңсе меңгерушісі Ж.Касенова, Өскемен қаласының  мемлекеттік және жеке сот орындаушылары қатысты.

Шығыс Қазақстан облысының мамандандырылған ауданаралық экономикалық сотында «Электрондық атқару парағы» тақырыбында семинарлық сабақ өткізілді.

Семинар сабағында сот кеңсесінің барлық мамандары қатысты.

Күршім аудандық соты  ҚР ӘҚБтК-нің 669-бабымен (сот үкiмiн, сот шешiмiн немесе өзге де сот  актiсiн және атқарушылық құжатты орындамау)  қарастырылған К.Ибраевқа қатысты әкімшілік істі қарады.

Сотта  К.Ибраевтың «Күршім мал дәрігері» КМК-нің басшысы бола тұра, жауапкердің   «Мемлекеттік аннуитеттік компания» өмірді сақтандыру компаниясы» АҚ-мен еңбек міндеттерін атқарған кезінде оны жазатайым оқиғалардан міндетті сақтандыру шартын жасауға міндеттелген сот шешімін орындамағандығы анықталды.  

Өскемен қалалық сотында  материалдық шығынды өтеу туралы азамат П-ның  талап арызы бойынша азаматтық іс қаралды.

Сотта тараптар өзара келісіп талапкер жауапкерге «Kaspi bank»  АҚ-нан бір мерзімге 250 000 теңге несие алып бергендігі анықталды. Банктің  сыйақы  мөлшерімен есептегенде жауапкер талапкерге 280 536 теңге қайтару керек болған. Жауапкер талапкерге ай сайын 23 400 теңге төлеп туруға міндеттелгені  жөнінде қолхат жазған. Алайда  70 000 теңгені төлеген соң, төлемді төлеуді тоқтатқан. Соның салдарынан банк алдында несиенің төлемі артқан.

Шығыс Қазақстан облысы Өскемен қалалық сотында көлікті  жалға алу туралы  келісім шартты бұзу, автокөлікті қайтару, қарызды өндіру туралы азаматтық іс қаралды.

Сотта  жауапкердің  автокөлікті  жалға алу туралы   нотариалды түрде  бекітілген келісім шарттың, өтем ақысына қатысты талаптарын орындамағандығы анықталды. Жауапкер келісім шарттың негіздерін бұза отырып жалға алу  өтем ақысының  өсуіне жол берген.

Зырян аудандық сотына азамат К. неке бұзу туралы талап арызбен жүгінді.

Сотта  талапкердің 2008 жылдан бері жауапкермен заңды некеде тұрғандығы, некеде ортақ кәмелеттік жасқа толмаған балаларының бар екендігі анықталды. Соттан  мінездерінің үйлеспеуінен бірлескен өмірлері қалыптаспағанын көрсете отырып некелерін бұзуды сұраған.

Сотта істі қарау барысында жанұялық дау реттеліп, отбасы кәсіби емес медиатордың көмегімен сақталынып қалды.

Зырян аудандық соты ӘҚБтК-нің 482-бабы, 1-бөлігі (ішкi iстер органдарында тiркелмеген тегiс ұңғылы, газды қару мен олардың патрондарын, сол сияқты электрлі қаруды, үрлемелi қуаты 7,5 Джоульдан жоғары, калибрi 4,5 миллиметрден асатын пневматикалық қаруды заңсыз иеленіп алу, беру, өткiзу, сақтау, алып жүру, тасымалдау) бойынша  қарастырылған азамат Г-ға қатысты әкімшілік істі қарады.

Катонқарағай ауданының № 2 аудандық сотында ««Сот кабинеті» сервисі арқылы талап арыздарды сотқа жолдау тәртібі және Сот кабинеті сервисіндегі  «Әкімшілік істер бойынша шағымдар (наразылықтар)» жаңа функционалы» тақырыбында брифинг өткізілді.

Брифингке аудандық соттың қызметкерлері, аудандық прокуратураның, адвокаттар, ауылдық округі аппаратының және БАҚ-ның өкілдері қатысты.

Шараның мақсаты «Сот кабинеті» сервисі туралы тиісті ақпаратты жариялап, түсіндірме жүргізу.

Шығыс Қазақстан облысы Көкпекті ауданының № 2 аудандық сотында ҚР ҚК-нің 188-бабы, 2-бөлігі, 1,3-тармақтарымен (ұрлық, яғни бөтеннің мүлкін жасырын жымқыру, адамдар тобының алдын ала сөз байласуымен, тұрғын, қызметтiк немесе өндiрiстiк үй-жайға, қоймаға не көлік құралына заңсыз кiрумен жасалған әрекеттер) қарастырылған қылмысты жасаған П.Конев пен Р.Қасабулатовқа қатысты  қылмыстық іс қаралды.