Сс, 08/08/2017 - 14:01
Күршім аудандық сотында денсаулыққа қасақана жеңіл залал келтіргені үшін жауапқа тартылған М.-ға қатысы әкімшілік құқық бұзушылық туралы іс қаралды.
Барақ Батыр ауылының тұрғыны М. салынып жатқан сауда дүкенінің ішінде П-мен жанжалдасып, сот-медициналық сараптамасына сәйкес, П-ға оң жақ мойынынан ұрып, денсаулыққа қасақана жеңіл зиян келтірген. Осы әрекетімен, Қазақстан Республикасының ӘҚБтК-нің 73-1-бабының, 1-бөлігінде көрсетілген құқық бұзушылықты жасаған.
Сот ісін қарау барысында сотқа қатысушылар татуласу туралы өтініштерін білдірген. Сотқа медиатормен жасалған медиативтік келісім ұсынылып, істі қарау ӘҚБтК-тің 64-бабының негізінде қысқартылды.
Сот қаулысы заңды күшіне енген жоқ.
Күршім аудандық сотының
баспасөз қызметі