Архив событий

Бородулиха аудандық сотында «Мемлекеттік қызметшілердің әдеп кодексі және сыбайлас жемқорлықтың алдын алу» тақырыбында семинар сабақ өткізілді. Семинарға кеңсе меңгерушісі м.а. С.Смаглова және сот мамандары қатысты.

Кеңсе меңгерушісі м.а. мемлекеттік қызметкерлер жұмыс уақыты мен одан тыс уақытта мемлекеттік қызмет жөніндегі заңдарды ұстанып, жалпы моральдық нормаларды сақтау керектігін айтты.

Курчатов қалалық сотында «Сотта архив жұмысын жүргізу» тақырыбында семинар өткізілді. Іс шараға кеңсе меңгерушісі М.Қ. Касенов, бас маман С.М. Медетбекова, сот мәжілісінің хатшылары Л.Б. Жуманбаева, А.А. Шарипова, іс жүргізуші А.Е. Кожахметова қатысты.

2017 жылдың 23 мамырында Астана қаласында  Өскемен қаласының №2 сотының судьясы Ж.Т. Онгарбаева «Бас бостандығы шектелген және айырылған осал топтарға сот төрелігіне мүмкіндік. Бала және әйел құқықтарына арнайы фокус» атты  ұлттық дөңгелек үстел жұмысына  қатысты.

Тарбағатай ауданының №2 аудандық сотының төрағасы С.Ахмеджанов Ақжар полиция бөлімінде Қазақстан Республикасы Әкімшілік құқық бұзушылық туралы Кодексінің  41-тарауы бойынша «Әкімшілік құқық бұзушылық туралы  істерді қозғау» тақырыбына семинар  сабағын  өткізді. Оған Тарбағатай  ауданының прокуроры  Р.Түлегенов, Ақжар  полиция  бөлімінің  басшысы Т.Нұрмұханбетов және  Ақжар полиция бөлімінің учаскелік инспекторлары қатысты.

Ұлан аудандық сотында аудандық соттың кеңсе қызметкерлерінің қатысуларымен «Мемлекеттік мекемелердегі – мемлекеттік тіл» атты тақырыбында семинар өтті.

Зырян ауданының №2 аудандық сотының бас маманы Қ.М.Балғабаева кеңсе қызметкерлері арасында «Сот істері мен құжаттарды және сот отырысының аудио-, бейнежазу көшірмесін беру тәртібі» тақырыбында семинар өткізді.

Қ.М.Балғабаева өз сөзінде, сот істері мен құжаттарды беру тәртібі туралы егжей-тегжейлі түсіндіріп, Аудандық және оған теңестірілген сотта ic қағаздарын жүргізу ережесінің талаптарын қатан  сақтау керектігін айтып  өтті.

Тарбағатай аудандық сотының төрағасы К.Садуакасова  Көкжыра ауылдық округінде болып,  әйелдер кеңесі мүшелерімен «Гендерлік теңдік» тақырыбында дөңгелек үстел өткізді.

Шараға Тарбағатай аудандық әйелдер кеңесінің төрайымы және «Аналар орталығы» қоғамдық  бәрлестігінің жетекшісі Ж.Маханова, Көкжыра ауылы әйелдер кеңесінің төрайымы Р.Қайырханова және әйелдер кеңесінің мүшелері қатысты.

Күршім аудандық сотының төрағасы Е.Шымыров  судьяның, Күршім орталық аудандық ауруханасының нарколог-дәрігері және Күршім АІІБ қызметкерлерінің    қатысуымен  «Ішімдікке салынудан мәжбүрлеп емдеуге жолдау туралы азаматтық істердің қаралу тәжірибесі»   тақырыбында семинар сабағын өткізді.

Судья Кудайбергенова Р.Т. 2017 жылдың 5 айында сот өндірісіне түскен осы санаттағы істердің стаистикалық мәліметіне және қаралу тәжірибесіне тоқталды.

Көкпекті ауданының № 2 аудандық сотында сыбайлас жемқорлықты болдырмау атты семинарлық сабақ өтті. Іс-шараға сот мамандары қатысты.

Өз кіріспе сөзінде жетекші маман Р.Келиспаева сыбайлас жемқорлықпен күресу әр азаматтың міндеті екенін айтты. Сыбайлас жемқорлық біздің еліміздің беделіне нұқсан келтіреді, сондықтан да сыбайлас жемқорлықты болдырмаудың жағдайын жасауымыз қажет. Сонымен қатар, сыбайлас жемқорлықтың зардаптарын, алдын-алу шараларын, сыбайлас жемқорлықтың жасалу жолдары мен түрлерін айтып өтті.

Аягөз аудандық сотында Н.-ның шартты түрде мерзімінен бұрын жазасын өтеуден босату туралы өтініші қаралды.

Аталаған іс материалдарына  сәйкес, Н.-ға сот үкімімен шартты түрде 5 жылға жаза өтеу белгіленген.Жаза өтеу барысында, сотты болған Н. құқық бұзушылық жасамай, өзіне қойылған талаптарды бұзбай, түзелу жолына түскен.

Пробация бөлімінің және ІІБ-нің тарапынан ешқандай ескертулер алмаған.