Семей қалалық сотында кезекті «Ашық есік күні» өтті

Сот төрелігінің ашықтығы мен қолжетімділігін жоғарылату және жас мамандарды тарту мақсатында Семей қалалық сотында кезекті «Ашық есік күні» өтті. Қазақ гуманитарлық - заң инновациялық университетінің студенттер тобы үшін сот қызметінің ерекшеліктері және азаматтық іс жүргізуіндегі қолданылатын заманауи электрондық технологиялар туралы экскурсия жүргізілді.

Кеңсе меңгерушісі Н.О.Бакенова: «Бүгінгі күні барлық сот отырысының залдары 100 пайыз дыбыс-бейне құрылғысымен жабдықталған және азаматтық істер осы құрылғыларды пайдалануымен қаралады. Жаңа технологияларға көшу бұл заман талабы, бюджет қаражатын үнемдеп, судьялар, сот отырысының хатшылары мен сот мамандарының жұмысын жеңілдетеді, ал бастысы - қарапайым азамат үшін сот төрелігін қолжетімді, жүйені ашық етеді» - деп атап көрсетті.

 Болашақ заңгерлер тағылымдамадан өту және мемлекеттік қызметке түсу мәселесіне қызығушылық танытты.

Семей қалалық сотының

баспасөз қызметі