Бс, 16/03/2017 - 14:30
Жарма аудандық соты рақымшылық актісін қолдану туралы бейне-конференц байланыс арқылы ОВ 156/18 түзеу мекемесінің ұсынысы бойынша 10 сотталғандарға қатысты бақылау істерін қарады.
1966 жылғы 16 желтоқсандағы азаматтық және саяси құқықтар туралы Халықаралық пактісінің 6 бабы, 2005 жылғы 28 қарашадағы Қазақстан Республикасы Заңымен ратификацияланған Қазақстан Республикасы Конституциясының 77-бабына сәйкес, әрбір сотталушы оған рақымшылық актісін қолдану құқығына үміттене алады.
«Қазақстан Республикасының Тәуелсіздігінің 25-жылдығына байланысты рақымшылық туралы» Қазақстан Республикасы Заңының 2-бабының талабына сәйкес, онша ауыр емес, сондай-ақ ауырлығы орташа қылмыс жасаған адамдар, жазасын өтеп жүргендер негізгі жазадан босатылады.
Соттың қаулыларымен ОВ 156/18 түзеу мекемесінің ұсыныстары қанағаттандырылды. Сотталғандарға рақымшылық жасау актісі қолданылды.
Қаулылар заңды күшіне енген жоқ.
Жарма аудандық сотының
баспасөз қызметі