Ср, 01/03/2017 - 14:50
С.Аманжолов атындағы Шығыс Қазақстан мемлекеттік университетінің бас ғимаратында: «Медиатор-ХХІ ғасырдың мамандығы» атты ақппараттық кездесу өтті. Кездесуге Шығыс Қазақстан облысының № 1 кәмелетке толмағандардың істері жөніндегі мамандандырылған ауданаралық сотының мамандары, медиаторлар және университет оқытушылары қатысты.
Шығыс Қазақстан облысының № 1 кәмелетке толмағандардың істері жөніндегі мамандандырылған ауданаралық сотының мамандары медиаторлардың татуласу рәсімдерінде ерекше рөл атқаратынын атап көрсетті. Медиация арқылы тараптар уақыт пен қаражатын үнемдейді және жақсы қарым-қатынаста қалады. ҚР Жоғарғы Сотының пилоттық жобасының енгізуіне байланысты қоғамдағы көптеген өзекті мәселелерді шешуге болады.
Кездесу қортындысында қатысушылар медиация саласы бойынша өз тәжірибемен және мәселелерімен бөлісті.
ШҚО № 1 кәмелетке толмағандардың
істері жөніндегі мамандандырылған
ауданаралық сотының баспасөз қызметі