жм, 21/07/2017 - 15:04
Күршім ауданының № 2 аудандық сотымен отбасы-тұрмыстық қарым-қатынастағы, яғни Қазақстан Республикасы Әкімшілік құқық бұзушылық кодексінің 73 бабы 1 бөлігімен құқық бұзушылықтар жасаған В. және Д. есімді азаматтарға қатысты 2 әкімшілік іс қаралды.
Әкімшілік құқық бұзушылық туралы хаттамаларға сәйкес, құқық бұзушылар алкоголь ішімдік ішкен масаң күйлерінде өз тұрғын жайларында ұрыс-жанжал ашып, жұбайларына былапыт сөйлеген.
Осы іс-әрекет үшін заңмен ескерту немесе 3 тәулікке дейін әкімшілік қамаққа алу жазасы көзделген.
Медиатор Н.Жадрановамен жүргізілген түсіндірме жұмыстардан кейін жұбайлар татуласып, сотқа жазбаша түрде келісімдерін ұсынды, қорытындысында аталған істер ӘҚБтК-тің 64 бабына сәйкес қысқартылды.
Сот қаулылары заңды күшіне енген жоқ.
Күршім ауданының
№ 2 аудандық сотының
баспасөз қызметі