Архив событий

Ұлан ауданының № 2 аудандық  сотының  мамандары  арасында «Қазақстан Республикасы мемлекеттік қызметшілерінің  әдеп  кодексі» тақырыбында  семинар сабақ өткізілді.

Қазақстан  Республикасы   Президентінің  2015 жылғы 29 желтоқсандағы № 153  Жарлығымен    бекітілген  Мемлекеттік қызметшілердің қызметтік әдеп Кодексі, халықтың мемлекеттік органдарға сенімін нығайтуға, азаматтардың құқықтарын, бостандықтары мен заңды мүдделерін сақтау мен қорғауды қамтамасыз етуге бағытталған.

Жарма ауданының №2 аудандық сотында  Қазақстан Республикасының ӘҚБтК-нің 73-бабының, 1-бөлігімен, яғни құқық бұзушымен отбасы-тұрмыстық қатынастардағы адамдарға сыйламаушылық көрсету туралы   азамат Б.Акимбаевқа қатысты әкімшілік іс қаралды.

Сотта  анықталғандай, құқық бұзушы Б.Акимбаев өзінің үйінде жан-жал шығарып, жолдасын балағаттап, ар-намысына тиетін сөздер айтып, жанұя тыныштығын бұзғаны анықталды.

Сотта тараптар медиация тәртібімен татуласып, бітімгершілік келісім бекітіп, әкімшілік істі қысқартуды сұрады.

Көкпекті аудандық сотына  ҚР ӘҚБтК-нің 383-бабының, 3-бөлігімен (Әуесқойлық (спорттық) балық аулауды қоспағанда, тыйым салынған мерзімдерде, тыйым салынған құралдармен немесе тәсiлдермен, тыйым салынған жерлерде балық аулау қағидаларын, сондай-ақ балық ресурстарын және басқа да су жануарларын пайдаланудың басқа да түрлерiн жүзеге асыру қағидаларын қылмыстық жазаланатын іс-әрекет белгiлерi жоқ өрескел бұзу қарастырылған құқық бұзушылық) К.Омаровқа қатысты  орыс тілінде әкімшілік іс түсті.

Көкпекті ауданының №2 аудандық сотында А.Касенованың А.Оспановадан қарызды өндіру туралы талап арызы бойынша оңайтылған іс жүргізу тәртібімен азаматтық іс қаралды.

 Жауапкер  талапкерден 800 000 теңге көлемінде қарыз ақша алып, белгіленген мерзімге дейін қайтарып беруге міндеттеніп, қолхат жазып берген. Алайда жауапкер ақшаны қайтармаған.

Сот жауапкерге талап арызға қайтару жазу үшін мерзім берді. Жауапкер қайтаруында талап арызда толық мойындады.

С.Құмарбеков  «Лайнер ВК» ЖШС-нің басшысы және құрылтайшысы міндеттерін атқарған.  2011-2015 жылдар аралығында декларацияға табыстар және шығыстар туралы көрінеу бұрмаланған деректерді енгізу арқылы салықты төлеуден жалтарған. Осылайша, С.Құмарбеков өзінің қылмыстық әрекетімен мемлекетке 62 199 863 теңге сомасында материалдық шығын келтірген.

Күршім аудандық сотымен ҚР ӘҚБтК-нің 73  бабының 2 бөлігімен  (құқық бұзушымен отбасы-тұрмыстық қатынастардағы адамдарға сыйламаушылық көрсетiлiп, былапыт сөйлеу, қорлап тиiсу, кемсiту, үй тұрмысындағы заттарды бүлдiру және олардың тыныштығын бұзатын, жеке тұрғын үйде, пәтерде немесе өзге де тұрғын жайда жасалған басқа да әрекеттер, егер бұл әрекеттерде қылмыстық жазаланатын іс-әрекет бір жыл ішінде қайталанған)  Г.Долговқа   қатысты әкімшілік іс қаралды.

Риддер қалалық сотының судьясы  Г.Сайдульдинованың ұйымдастыруымен «Ішімдіктен мәжбүрлеп емдеуге жолдау және материалдарды әкімшілік қадағалуға жолдау» тақырыбында  дөңгелек үстел өтті.

Аталған шараға Риддер қалалық сотының судьясы Т.Дремлюх, инспекторлар, Риддер қалалық Психиаторлық диспансерінің дәрігері С.Оразгалиев және Риддер қалалық Прокуротурасының прокуроры Д.Молдаш қатысты.

Семей қаласының мамандандырылған әкімшілік сотында  бір күнде  Әкімшілік құқық бұзушылық туралы Кодексінің 73-бабы, 1-бөлігі (отбасы-тұрмыстық қатынастар аясындағы құқыққа қарсы әрекеттер) бойынша тоғыз  әкімшілік іс қаралды.

Істі қарау барысында  жанжал медиация тәртібімен реттеліп, тараптар медиативтік келісімге келді.

ҚР-ның  ӘҚБтК-нің  64-бабына сәйкес тараптардың татуласуына байланысты  тоғыз әкімшілік  іс  медиация тәртібінде қысқартылды.

Қаулылар заңды күшіне енген жоқ.

Семей қаласының мамандандырылған әкімшілік сотында «Әкімшілік айыппұлдарды өндіру, әкімшілік құқықбұзушылық жасау құралын тәркілеу бөлігінде сот актілерін орындау» тақырыбында дөңгелек үстел өткізілді.

Аталған шараға сот төрағасы А.Молдағожина, судья Р.Рахимова,  прокурор көмекшісі К. Журсумбаев, мемлекеттік мүлік және жекешелендіру Департаментінің Семей қаласы бойынша филиалының  басшысы Н.Акшекин, Семей қаласы бойынша әкімшілік айыппұлдарды өндіру және сот үкімдерін орындау бойынша аумақтық бөлімінің басшысы А. Нуржакупова қатысты.

Семей қалалық сотымен материалдық шығынды өтеу туралы азаматтық іс қаралды.

Сотқа жүгінген Р.Фатыхов Б. Амановқа қатысты арызданып, жол-көлік оқиғасы салдарынан келтірілген  материалдық залал мен сот шығындарын  өндіруді сұраған.

Р. Фатыхов Курчатов – Семей автожолының 24 шақырымында жеңіл дәрежедегі ішімдік ішкен күйде автокөлік тізгініне отырып, жол қозғалысы қауіпсіздігін қамтамасыз етпестен асыл тұқымды құлынды қағып кетіп, өлтіріп алу арқылы, Б.Амановқа материалдық шығын келтірген.  

Бес институционалдық реформаларды жүзеге асыруда Елбасы Н.Ә.Назарбаевпен «100 нақты қадам - Ұлт жоспарында»  қойылған  тапсырмаларының бірі, соттарда айыптың және қорғаудың арасында теңгерiмнiң қамтамасыз етуiн, адам және азаматтың конституциялық құқықтарын шектейтiн, барлық тергеу iс-әрекеттерiн санкциялау бойынша өкiлеттiктердi тергеу судьясына кезеңдi беру белгіленді.

Мамандандырылған ауданаралық экономикалық сотының, Өскемен қалалық № 2 сотының және Ұлан аудандық № 2 сотының ұжымдары сенбілік өткізді.

Аталмыш іс-шара жақсы дәстүрге айналған. Белгіленген аумақтың көптеген жерлері бірнеше сағат ішінде судьялар мен сот мамандарының белсенді қатысуымен тазартылды.  Соттың судьялары мен мамандары қоршаған ортаны қорғау мақсатында, осындай сенбіліктерді әр сенбі күні суық түскенше өткізуге ниетті.

Шығыс Қазақстан областық сотының