Архив событий

Интернет-конференция республика сот органдарының қызметіне, соның ішінде Елбасының республика судьяларының VI съезінде алға қойған міндеттерінің және  Ұлт Жоспарында Жоғарғы Сотқа жүктелген 11 қадамның іске асырылуына, сондай-ақ алдағы республика судьяларының VII съезіне қатысты мәселелерге арналады. 

Қ.Мәми интернет-конференция барысында соттардың жұмысы және тұтастай алғанда сот жүйесінің қызметі туралы азаматтардың сұрақтарына жауап береді. Заңды күшіне енбеген сот актілері туралы сұрақтарға жауап беру көзделмейді.

Риддер қалалық сотында әкелікті таныту және мүлікті бөлу туралы талап арызы негізінде азаматтық ісі қаралды.

Талапкер  талабында 2012 жылдан бастап Е.Гуляевпен бірге некелік қарым-қатынаста болғанын мәлімдеді. 2014 жылы ортақ ұлдары туылған. Ал 2014 жылдың шілдесінде азаматтық күйеуі қайтыс болған. Ерекше өндірісте әкелікті танытуға арыз түсіргенде, құқық туралы дау туындаған. Жауапкерлер қайтыс болған азаматтың мұрагері болып табылады. Соттан баласына қатысты әкелікті анықтап беруді сұрайды.

ШҚО Көкпекті ауданының №2 сотымен ӘҚБтК-нің 608-бабы, 1-бөлігімен (көлік құралын масаң күйде жүргізу) С.Комаровқа қатысты әкімшілік іс қаралды.

Іс материалдарында қөрсетілгендей, құқықбұзушы үйінде ішімдік ішкен, кейін өз көлігімен қозғалыс кезінде полиция қызметкерлерімен ұсталған.

Сот қаулысымен Комаров С. кінәлі деп танылып, оған көлік жүргізу құқығынан 3 жылға айыру жазасы тағайындалды.

 Қаулы заңды күшіне енген жоқ.

Курчатов қалалық сотында ӘҚБтК-нің 73-бабының, 2-бөлігі (құқық бұзушымен отбасы-тұрмыстық қатынастардағы адамдарға сыйламаушылық көрсетiлiп, былапыт сөйлеу, қорлап тиiсу, кемсiту, үй тұрмысындағы заттарды бүлдiру және олардың тыныштығын бұзатын, жеке тұрғын үйде, пәтерде немесе өзге де тұрғын жайда жасалған басқа да әрекеттер)  бойынша В.Ананинға қатысты әкімшілік іс қаралды.

Курчатов қалалық сотымен татуласу рәсімдерін белсенді енгізу және іс-қимылды өзара жан-жақты дамыту мәселелері бойынша серіктестік туралы Меморандумның міндеттерін жүзеге асыру мақсатында Достық үйінде кәсіби емес медиаторлармен дөңгелек үстел өткізілді.      

Аталған іс-шараға Курчатов қалалық сотының судьялары мен мамандары, әкімшілік апаратының өкілдері, Курчатов қаласының кәсіпкер емес медиаторлары, қалалық  мәжіліс депутаттары қатысты.

Семей қалалық сотымен пәтерді су басу салдарынан келтірілген материалдық шығынды өндіру туралы азаматтық ісі қаралды.

Талапкер жалпы 36 975 теңге көлемінде материалдық залал сомасын және сот шығындарын өндіруді сұраған.

Алдын ала сот отырысын жүргізу кезінде тараптар дауды медиация тәртібінде реттеуге келісім жасаған. Келісім талаптары бойынша жауапкер белгіленген уақытқа дейін 30 000 теңге көлемінде материалдық шығынды төлеуге, ал талапкер талап арыздан бас тартуға міндеттелген.

Тарбағатай ауданының №2 аудандық сотында  ҚР ҚК-нің 108- бабымен (денсаулыққа қасақана жеңіл зиян келтіру) бойынша азаматтар И мен А-ға қатысты қатысты қылмыстық іс қаралды.

Сотта,  азаматтар ұрып-соғу жолымен  бірін-біріне жеңіл дәрежедегі дене жарақаттарын түсірген.

Сот отырысына дайындық жүргізу кезінде тараптар  өзара медиация тәртібінде татуласқандықтан, сол себепті қылмыстық жауапкершіліктен босатылып, туындаған дауды медиатордың қатысуымен реттеді.

ШҚО мамандандырылған ауданаралық экономикалық сотының және Курчатов қалалық сотының ұжымдары дәстүрлі сенбілікке қатысты.

Сенбілікке соттардың судьялары мен мамандары бірдей жұмыла іске кірісті. Бәрінің күшімен сот ғимараттарының маңындағы аумақ пен жол жиегі қоқыстардан тазартылып, жердегі жапырақтар жиналып, ағаш түптері ағартылды.

Сенбілікте сот ұжымдары белсенділік танытты. Аталмыш шара әр қызметкердің қатысуымен, ұйымшылдықпен өткізілді.

Катонқарағай ауданының № 2 сотында ҚК-нің 346-бабы, 1-бөлігі (көлік құралдарын басқару құқығынан айырылған, алкогольдік  масаң күйдегі адамның көлік құралын басқаруы)  бойынша И.Сабенинге  қатысты қылмыстық іс қаралды.  

Сот мәжілісінде анықталғандай, рейдтік шаралар кезінде  сотталушы көлік құралын  спирттік ішімдік ішкен масаң күйінде және жүргізуші куәлігінсіз басқарған. Сондай-ақ, сотталушы құжаттарын тексеру барысында оның Катонқарағай ауданының № 2 сотының қаулысымен 3 жылға көлік құралын басқару құқығынан айырылғаны анықталған.    

Күршім аудандық сотымен ҚК-нің 430-бабының, 1-бөлігіне сәйкес, (заңды күшiне енген сот үкімін, шешімін немесе өзге де сот актiсiн не атқарушылық құжатты алты айдан астам орындамау, сол сияқты оларды орындауға кедергi жасау) қылмыстық іс қаралды.

Сотпен анықталғандай, сотталушы 2013 жылғы несие шартының міндеттерін орындамағандықтан, Алматы қаласы Медеу аудандық сотының шешімімен банктің пайдасына сотталушыдан қарыз өндірілген. Атқарушылық парағы жазылып, жеке сот орындаушылардың тарапынан атқарушылық іс қозғалған.