Ср, 27/03/2024 - 12:37
Зайсан аудандық сотында ҚР ӘҚБтК-нің 200-бабы 3-бөлігі (алкоголь өнiмiн сағат 23-тен келесі күнгі сағат 8-ге дейiн; этил спиртінің көлемді үлесі отыз пайыздан асатындарын сағат 21-ден келесі күнгі сағат 12-ге дейін бөлшек сауда арқылы өткiзу) бойынша жеке кәсіпкер Д-ға қатысты әкімшілік құқық бұзушылық туралы іс қаралды.
Сотта анықталғаны, 2024 жылғы 15 қаңтарда сағат 02:00 шамасында жеке кәсіпкер Д. дүкеннің иесі бола тұра сатып алушы Т.-ға сегіз шөлмек «Жигулевское» маркалы алкоголь өнімін сатқан.
Сот қаулысымен азаматша Д. ҚР ӘҚБтК-нің 200-бабының 3-бөлігімен кінәлі деп танылып, оған 1 айға лицензияның қолданысын тоқтата тұрып, 103 376 теңге көлемінде әкімшілік айыппұл салынып, салынған айыппұл мемлекет пайдасына өндірілді.
Қаулы заңды күшіне енген .
Зайсан аудандық сотының баспасөз қызметі