Сс, 26/03/2024 - 15:23
2024 жылы 15 наурызда Өскемен қаласының №2 сотында абайсызда адам өліміне әкеп соққан жол қозғалысы ережелерін бұзғаны үшін аз.Т. сотталды (ҚР ҚК 345 бабы 3 бөлігі).
Сотпен анықталғаны:
2023 жылдың 28 қарашасында сағат 6 шамасында, Өскемен қаласында Абай даңғылының бойымен №6Б маршрутты автобусты басқарып келе жатқан аз. Т. Абай даңғылындағы №191 үйдің маңында Интернациональная көшесі жағынан Шәкәрім даңғылына қарай реттелмейтін жаяу жүргіншілер өткелінде жолды солдан оңға қарай автобустың бағытымен кесіп өтіп бара жатқан жаяу жүргінші аз. З-ға. басымдық бермеді. Нәтижесінде аз. Т. аз. З.-ға соқтығысып, өмірмен үйлеспейтін дене жарақаттарын келтіріп, аз.З. оқиға орнында қайтыс болды.
Қылмыс абайсызда жасалған әрекеттерге жатады және 5 жылға дейін бас бостандығынан айыру жазасы қарастырылған.
Жеңілдететін мән-жайлар ретінде сот аз Т.-ның шын жүректен өкінуін, өкілдік шығындарын өтеуін, 200 000 теңге көлемінде моральдық зиянды ішінара өтегенін ескерді.
Прокурор іс бойынша ауырлататын мән-жайларды көрсетпеген, сот ҚР ҚК-нің 55 бабы 2 бөлігінің 1) тармағына сәйкес 2 жыл 6 айдан астам мерзімге жаза тағайындай алмайды.
Сот, ҚР ҚК-нің 345 бабының 3 бөлігінде көзделген қылмыстық құқық бұзушылықты жасағаны үшін аз. Т. кінәлі деп танып, оған 5 жыл мерзімге көлік құралдарын басқару құқығынан айыра отырып, 2 жыл 6 ай мерзімге бас бостандығынан айыру жазасын тағайындады.
Үкім заң күшіне енген жоқ.
Өскемен қаласының №2 сотының баспасөз қызметі.