Катонқарағай аудандық сотында Мемлекет басшысының «Болашаққа бағдар: рухани жаңғыру» тақырыбындағы мақаласын бүкілхалықтық талқылау шеңберінде «Рухани жаңғыру – мәңгілік ел болудың кепілі» атты «дөңгелек үстел» өткізілді.
Катонқарағай ауданының № 2 аудандық сотында сот ғимаратына өткізу режимінің сұрақтары бойынша семинар өткізілді.
Семинарға сот төрағасы А.М.Әли, кеңсе меңгерушісі Ж.Труханова, сот приставы АДжалбагаев, сот мамандары және «Күзет» мамандандырылған күзет қызметі басқармасының қызметкерлері қатысты.
Курчатов қалалық сотында судьялардың Курчатов қалалық ПБ-нің көші-қон қызметінің аға инспекторы полиция майоры Н.К.Өмірбековтың қатысуымен «Шетелдiктердi немесе азаматтығы жоқ адамдарды Қазақстан Республикасының шегiнен шығарып жіберу» атты тақырыбында дөңгелек үстел өткізілді.
«Марқакөл ауылдық округі» әкімдігінің ғимаратындағы ашылған медиация кабинетінде осы ауылда орналасқан мемлекеттік мекеме қызметкерлерінің және кәсіпқой емес медиаторлардың қатысуымен «Дауды шешудің оңтайлы тәсілі» атты тақырыпта дөңгелек үстел өткізілді.
Дөңгелек үстел барысында судья С.Жунуспекованың «Медиация – даулы мәселені шешудің оңтайлы тәсілі» тақырыбындағы баяндамасы тыңдалды.
ШҚО Көкпекті ауданының №2 аудандық сотында Орман және аңшылық шаруашылығының жедел қимыл отрядынан келіп түскен ӘҚБтК-нің 383-бабының 3-бөлігімен (балық аулау қағидаларын өрескел бұзу) әкімшілік іс қаралды.
Тарбағатай аудандық сотының аға сот приставы «Сот ғимаратына кіріп-шығудың ішкі тәртіп ережелерін сақтаудың маңыздылығы» туралы семинар сабақ өткізді.
Шараға Шығыс Қазақстан облысының мамандандырылған Күзет қызметі Басқармасы ММ №4 полиция батальоны командирінің орынбасары М.А.Кадирбаев және жергілікті Күзет қызметкерлері қатысты.
Зайсан аудандық сотында судья Н.Хасенбаев құқық қорғау органдарының, мемлекеттік мекеме және адвокаттардың қатысуларымен «Сот жүйесіндегі мемлекеттік тіл» атты тақырыбында семинар сабағын өткізді.
Зайсан аудандық сотында азамат П.ға қатысты қылмыстық іс кінәні мойындау туралы процестік келісім аясында қаралған.
Алдын ала тергеп-тексеру органымен азамат П. және қылмыстық ісі жеке өндірске бөлінген Е. деген азамат екеуі Зайсан қаласында ішімдік ішкен масаң күйлерінде азамат А.-ның тұрғынжайына адамдар тобы болып, түнгі уақытта заңсыз басып кіргені, қасақана денсаулыққа орта дәрежелі зиян келтіргені және есірткі заттарды жымқыруға оқталғаны үшін айыпталған.
Өскемен қаласының мамандандырылған әкімшілік сотында ӘҚБтК-нің 610-бабының, 1-бөлігінде (көлiк құралдары жүргiзушiлерінiң жол жүрісі қауiпсiздiгiн қамтамасыз етудiң белгiленген қағидаларын көлiк құралдарын, жүктердi, жолдарды, жол құрылыстары мен басқа құрылыстарды немесе өзге де мүлiктi бүлдіруге әкеп соққан, материалдық залал келтiрген бұзушылығы) көзделген әкімшілік құқық бұзушылық жасағаны үшін К.-ға қатысты әкімшілік іс қаралды.
Күршім ауданының № 2 аудандық сотында Қазақстан Республикасы Қылмыстық кодексінің 346-бабы, 1-бөлімі (көлік құралдарын басқару құқығынан айырылған, алкогольдік масаң күйдегі адамның көлік құралын басқаруы) Е.-ге қатысты қылмыстық іс қаралды.
Е. сот қаулысымен көлік құралдарын басқару құқығынан айырылған адам бола тұра, жол қозғалысының қағидаттарының 2.4.1, 2.4.2 тармақтары талаптарын бұзып, автокөлігін алкогольдік масаң күйде басқарғандығы анықталды. Ол сот отырсында өз кінәсін толығымен мойындап, жасаған әрекеті үшін өкінішін білдірді.
Үржар ауданының №2 аудандық сотында жәбірленушімен медиативтік келісім жасалуына байланысты азаматша К.-ға қатысты қылмыстық іс қысқартылды.
Сотталушы ҚК 188-бабы (бөтеннің мүлкін жасырын ұрлау) бойынша, атап айтқанда жәбірленушінің үйінен 150.000 теңге ақшаны және құны 900 теңге тұратын екі шөлмек «Снежная королева» арағын жасырын жымқырғаны үшін айыпталды.
Қылмыстық істі қарау кезінде тараптар кәсіби емес медиатордың көмегімен медиативті келісімге келіп, сот қаулысымен қылмыстық іс қысқартылды.
Шығыс Қазақстан облыстық соты