Бс, 26/05/2016 - 15:13
Глубокое аудандық соты ӘҚБтК-нің 596-бабы, 3-бөлігі бойынша әкімшілік құқық бұзғандығы үшін азамат И.Милейкоға қатысты әкімшілік істі қарады.
Сотта И.Милейко 901FVA16 мемлекеттік нөмірлі «Lada Priora 217230» көлік құралын Өскемен қаласының Қ.Батыр көшесінің №97 үйдің маңында жүргізіп келе жатып, төрт жолақты екі бағыттағы жолдың жүру бөлiгiнiң қарсы бағытта жүруге арналған жағына шығып Жол жүру ережесінің 9.2-тармағын бұзғаны анықталған.
Сот мәжілісінде құқық бұзушы кінәсін толық мойындап, өкінетіндігін білдірді.
Сот азамат И.Милейконы ӘҚБтК-нің 596-бабы, 3-бөлігі бойынша кінәлі деп танып, бір жыл мерзімге көлік құралдарын басқару құқығынан айыру жазасын тағайындады.
Қаулы заңды күшіне енген жоқ.
Глубокое аудандық сотының
баспасөз қызметі