Сн, 18/03/2017 - 09:24
Тарбағатай аудандық сотының ұжымы Наурыз мерекесін ұлтымыздың байырғы салт-дәстүрінің негізінде танымдық сипатта атап өтті.
Шара барысында сот төрағасы К.Садуакасова, Наурыз мерекесінің Шығыс халықтарында тойлануының тарихына тоқталып өтті. Ежелгі түркі мәдениетінің бүгінгі мұрагері қазақ халқының наным-сеніміндегі Наурызды тойлау байырғы салт-дәстүр айналған, наурыздың 22-де Күн мен Түннің теңесетінін және табиғаттың жаңаруға бет бұратын, көктемнің келетінін, ата-бабаларымыздың сол уақыттардан білгенін айтты.
Сол себепті Наурызды – Ұлыстың Ұлы күні деп атап, ағайын-туыс бір-біріне деген өкпе -назы болса кешіріп, құшақтасып көрісіп, жақсылық тілеп Қызыр бабаны күткені татулық пен береке-бірлікке деген үлкен ізгілік пен философиялық тереңдіктің белгісі екеніне тоқталды.
Ұжым мүшелері қазақ халқының ұлттық киімдерін киіп, жайылған дастархандағы ұлттық тағамдар мен наурыз көжеден дәм татып, бір- біріне деген ыстық ықыластарын жеткізді.
Қызыр бабаның үлгісімен Ұлыс оң болсын, ырыс мол болсын! Еліміздің сыртын жаудан, ішін даудан аман қылсын! деген тілектерін білдірді.
Тарбағатай аудандық сотының
баспасөз қызметі