Дс, 23/01/2017 - 16:37
ШҚО Зайсан аудандық сотымен аудандық пробация қызметінің сотталғанды Рақымшылық Заңына сәйкес жазадан босату туралы ұсыным қаралды.
Сот үкімімен Б.Қабиолла Қазақстан Республикасының Қылмыстық кодексінің 392-бабының 1-бөлігімен көзделген қылмысты жасағаны үшін кінәлі деп танылып, алты ай мерзімге бас бостандығынан айырылып, ҚК-нің 63-бабы негізінде тағайындалған жаза шартты деп саналып, пробациялық бақылау белгіленген.
Соттың қаулысымен Б.Қабиолла Қазақстан Республикасының 2016 жылғы 13 желтоқсандағы «Қазақстан Республикасы Тәуелсіздігінің жиырма бес жылдығына байланысты рақымшылық жасау туралы» Заңының 2-бабының 3-бөлігі 1-тармағына сәйкес жазадан босатылды.
Қаулы заңды күшіне енген жоқ.
Зайсан аудандық сотының
баспасөз қызметі