Бс, 07/07/2016 - 09:02
Өскемен қаласының №2 сотымен көлік құралын алкогольдік масаң күйде басқарғаны үшін сотқа берілген А.Литвиненкоға қатысты қылмыстық іс қаралды.
Сотта, А.Литвиненко Өскемен қаласының мамандандырылған әкімшілік сотының қаулысымен көлік құралын басқару құқығынан 3 жыл мерзімге айырылғаны анықталды.
Алайда, А.Литвиненко Өскемен қаласында алкогольдік масаң күйде көлік басқарып келе жатқан жерінен полиция қызметкерлерімен ұсталған.
Сот үкімімен А.Литвиненко ҚК-нің 346 бабы 1 бөлігімен қарастырылған теріс қылықты жасағаны үшін кінәлі деп танылып, 3 жыл мерзімге көлік құралдарын басқару құқығынан айыра отырып, 120 сағат мерзімге қоғамдық жұмыстарға тарту түріндегі жаза тағайындалды.
Үкім заңды күшіне енді.
Өскемен қаласының №2 сотының
баспасөз қызметі